1 Epilli 11:23 - Mawu a Mulluku

²³ Nave aamwiiphattho Muiguputo mmodda ooneneva ni oorekama mamita meelli ni hafu. Muiguputooyo aakhalla ni nivaka nuullupalli m'mattani mwaye noophwanaphwana ni mukoko wa muthu awoopa ekuwo. Koma Benaya aaphiya wa olliye akusalle ekopo nave aamwaakha Muiguputoolle nivakanne amwiiphana.

1 Epilli 11:23 ပူးပေါင်းရင်းမြစ်များ

1 Samuele 17:7

Yoomuteteza yaari wonanko ekopo yuullupalli yawoopella ekuwo. Muru wa nivakanno wallemella vakhuviru makilogaramu matthanu ni meelli a mukoko. Vahoollo vaye vaanakhalla muthu ootukhulla yoomuteteza.

1 Epilli 20:5

Nave vaakhallattho ekhoto ni Afilisti. Vano Elihanani mwaana a Yairi aamwiipha Lami mwanamunne a Goliati Mugiti oyo nivaka naye naari nawiitivalla wonanko mukoko wawoopella ekuwo.

1 Samuele 17:51

Enthawi yeeyo Davide aathamaka iimella vatulli va Mufilistooyo ahullulla nsupada na Mufilistooyo munigonelani mwiwa amukokholla vomuphaddani muru. Vano Afilisti yoonilliiwa wi muthu amasiva eeruso vakhotoni ookhwa, yaathawa.

1 Samuele 17:4

Vano omisasani wa Afilisti waakhuma muthu mmodda amasiva oovenyera o Gati, nnddina naye Goliati. Ari oorekama vakhuviru mamita mararu.

Deuteronomo 3:11

(Ogi sika aari mwene ookomihera a Arefaimu. Nibokosi naye naari namukoko noorekama mamita masese nave nooramballalla mamita meelli voophwanaphwanihella ni muyeso wa mallapo yaayo. Nave nibokosinno ttuunoona o Raba, muzinda wa Aamoni.)”

1 Epilli 11:24

Ddenndda ddaamweeriha Benaya mwaana a Yehoyada ovuwa variyari va athu araru amasivaalle.