1 Epilli 1:14 - Mawu a Mulluku

¹⁴ Kanani aarittho nikhollo na Ayebusi, Aamori, Agirigashi,

1 Epilli 1:14 ပူးပေါင်းရင်းမြစ်များ

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Genesis 15:21

ya Aamori, ya Akanani, ya Agirigashi ni ya Ayebusi.”

Zekariya 9:7

Khewa echattho enama yanikhame apaalle erive yoocha yoohaakhullelliwa. Oohalla attheene enaakhalle athwaaka nave enaakhalle wonanko a nlloko na Yuda. Aekeroni enaakhallettho mmodda mwa athwaaka wonanko yeerelle Ayebusi.

Amosi 2:9

Komathi tti mi kawoonongille Aamori, Aisraele yoonaka yaphiyiiwa valle naari alliwaayo yaari oorekama wonanko mukunguza, naari yaari amasiva wonanko miteekho dda muthundu. Kahoononga ezipaso ddiwa m'miteekhoni ni misisi ddiwa vatthi.

Nehemiya 9:8

Mwahoona wi aari oororomelleya wa nyuwaano sika mwaakeraatthiha echipangano. Mwaalonjeza wi muneeromuvaha ellapo ya Akanani, Ahiti, Aamori, Aperezi, Ayebusi ni Agirigashi wi ekhalle ellapo eyo munaakhalleke edduullu ddaye. Sika mookwakhwaniha lonjezo nanyu vawi nyuwaano tti oolungama.

2 Mamwene 21:11

“Manase mwene a o Yuda oheera ddoonanara ddinchichi, oochimwa waakhwaranya Aamori ayo yaariwo olliye ahinayariwe nave ohaachimwiha athu a o Yuda ni mafanwaaye.

2 Samuele 24:16

Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

2 Samuele 21:2

Sika mwenooyo aawiithana Agibiyonaayo. Agibiyonaayo kheyaari Aisraele koma Aamori oohalla. Naari Aisraele yallupenlle wi khewiipha Agibiyonaayo koma Saulo aapaallave waatthollosa Agibiyonaayo ekaamba yawaakonda Aisraele ni Ayudaayo.

Oweeruza 19:11

Yaphiyiiwa o Yebusi, waari osikuwalle wunchichi nave oorumeyellaayoolle ahaalleella apwinnyaalle wi, “Kaambiiwa tini nihinahapuweehu wi nivollowe m'muzindani wa Yebusoolla wi nakone mwemmo?”

Oweeruza 1:21

Koma Abenjamini kheyaawiikarihallemo Ayebusi ayo yakhalla mu Yerusalemu. Sika Ayebusaayo ennakhalla ni Abenjamini mu Yerusalemu ophiyera ollello.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Deuteronomo 20:17

Mwaatthollose Ahiti, Aamori, Akanani, Aperezi, Ahivi ni Ayebusi moollikana ni mmo Apwiya Mullukwaanyu yuulamulelliiwani.

Deuteronomo 7:1

“Apwiya Mullukwaanyu eneerewuuphiyihani mu ellapo eyo munaawaakheenyu nave mitundu ddimodda ddittheddene eneeroddiikarihamo. Alliwa eneerewiikarihamo mitundu mitthanu ni miilli ddookhalla ni athu anchichi ni amasiva wuukhwaranyani nyuwaano monga Ahiti, Agirigashi, Aamori, Akanani, Aperezi, Ahivi ni Ayebusi.

Eksodo 34:11

Mwiiwellelleke malamulo alla kuulamulelleemi ollellwaalla. Kineerowiikariha Aamori, Akanani, Ahiti, Aperezi, Ahivi ni Ayebusi.

Eksodo 33:2

Kineeromuruma mungelo vahoollo vawo nave kineerowiikara Akanani, Aamori, Ahiti, Aperezi, Ahivi ni Ayebusi.

Genesis 48:22

Navettho weyaano, ohiri asinno, kinuuvaha Shekemu, echigawo elle kaakhilleemi ni nsupada naka ni muuraaka ovenyera wa Aamori.”

Genesis 10:16

Kanani aarittho nikhollo na Ayebusi, Aamori, Agirigashi,

1 Epilli 1:13

Kanani aamuyara Sidoni mwanaye awaamba ni Heti.

1 Epilli 1:15

Ahivi, Aariki, Asini,