1 Akorinto 9:5 - Mawu a Mulluku

⁵ Miyaano ngiphwanenlle othwara echisanzo ya amurummwa amodda ni asinniwa a Apwiya ni Petro, voomutthellani mutthiyana ookhulupilila wi kimukuseke voolendonaaka?

1 Akorinto 9:5 ပူးပေါင်းရင်းမြစ်များ

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Mateyu 8:14

Yesu avollowille mpa mwa Petro, aawoona amoottonaaye a Petrooyo ekonaatthille vabedini evoriiwaka oviha mwiilli.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Agalatiya 1:19

Khaavo murummwa kamoonilleemi omupatula Yakobo, mwanamunniwa a Apwiya

1 Akorinto 7:39

Mutthiyana ootthelliwa anakhalla oomakiwa mamune akhalla ari mukumi; nave mamune akhwa, sika oottaphuwa wi atthelliwe ni mullopwana mmodda anamupaalleeye, mullopwanooyo akhalle ookhulupilila.

1 Akorinto 7:7

Kapanlle wi arive muthu akhanlleke wonanko miyaano. Koma arive muthu oovahiwa yaayeyaaye yoovenyera wa Mulluku, muthu mmodda yawi yoori mmodda yawi yoori.

Mitteko 1:14

Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

Tito 1:6

muullupalli ahikhalle ni yookayikella, akhalleke ni mwaariye mmoddave nave anaaye ekhalle ookhulupilila ni oohikhalla ni epilli ya machimo naari oohiiwellella.

1 Timoteo 5:2

Okhalleke ni attekweene aatthiyana wonanko amaayo. Okhalleke ni anamwalli wonanko arokoriyo, mwa weella murima.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

1 Akorinto 7:15

Nave oyo ahiri ookhulupilila apaalla omuhiya mukhwaaye ookhulupililoolle, amuhiye. M'millatuni ddawi ddiidda, ookhulupililoolle, aamutthiyana apaalle aamullopwana khanamakiwa. Mulluku oowiithanani wi mukhalle m'murendelleni.

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

Aroma 16:1

Murokorihu Febe, oorumeyella a mpingo wa o Kenkrea, tti muthu aphaama.

Yohane 2:12

Ddimallille nndda, Yesu, amennya, asinne ni oohudderaaye yaaya o etawoni ya Kaperenao nko yakhallilliiwawo mallapo ooyeva.

Luka 6:15

Mateyu ni Tomasi, Yakobo mwaana a Alifeyu ni Simoni ooromolliwa Zelote,*

Mariko 6:3

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi? Arokoraye khenakhalla vaavamva?” Sika yaamunyaambusa.

Mariko 1:30

Nave amoottonaaye a Simoni yaakonaatthi vabedini evoriiwaka oviha mwiilli. Yesu aphiyalleeye yaamulleella dda alliwa.

Mateyu 13:55

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi?

Nchipo na Solomoni 4:12

Murokoraka, mwaaraka, tti emata ya mpanda, tti neetuutu ooteteziwa, ehime yookhuneelliwa.

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

1 Akorinto 7:8

Vano kinallota wa ayo ehiri vanibanjani ni wa anaamukhwelle wi tti waphaama wa alliwa okhallave weekhiiwa wonanko miyaano.

Luka 8:20

Muthu mmodda aamulleella Yesu wi, “Amennyu ni asinninyu yiimenlle vaattemva nave enapaalla wi ewooneni.”