1 Akorinto 9:12 - Mawu a Mulluku

¹² Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

1 Akorinto 9:12 ပူးပေါင်းရင်းမြစ်များ

2 Akorinto 11:12

Kineerovirellella weera nndda kineereemi vano wi amurummwa amoddaayo ehiphwanyellevo mpata wookota voollotani wi ennaphara mutteko wonanko hiyaano.

1 Akorinto 9:18

Vano kinallivelliwa mwawiidde? Ella tti yawi kaallalleyaka othenga waphaama, killalleyeke moohillivelliha, moohikoha yoophwanella ya muttekwaaka woollalleya.

1 Akorinto 9:15

Koma ngipharihalle mutteko yoophwanella yeella naari emodda nave nginalemba ddenndda wi kuukoheni yoophwanella ya miyaano. Waaweerokhalla waphaama kaambilleke okhwa mmodda ahinaambe okillivella kaambiiwa aneerokivenyihera okotella waka woollalleya moohillivelliwa!

1 Akorinto 9:2

Naari amodda khenakeera murummwa, nyuwaano munaphwanella okeera murummwa. Vawi Nyuwaano tti omboni wawooniha wi miyaano tti murummwa kaambiiwa mohaattana ni Apwiya.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.

2 Akorinto 6:3

Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

1 Akorinto 6:7

Vawi munnakhalla ni millatu variyari vanyu, ddohooniha khalle wi nyuwaano tti oolephela wunchichi. Waaweerokhalla phaama wi muhiipaneke mullatu koma mwaahiye athu eweerellekeni ddoonanara nave ewiiyerekeni.

Aroma 15:22

Sika ekaamba ya muttekwaaka, kookhalla kilephelaka owa owaninyunko.

Mitteko 18:3

Yaanaphara mutteko woophwanaphwana ni Paulo, woosowa ekuwo ddootthipellella misasa. Sika Paulo aanakhalla ni alliwaayo enapharella nimodda muttekooyo.

Luka 11:52

“Nyu, ahuddihi a malamulo, mookhalla ni otulli! Moomukusa mumuvittha kiiyi a vamullakoni va enyumba ya ezeru. Nyuwaano weekhiinyu khamwaavollowillemo nave mwahaahiiha ayo yapaalla ovollowamo!”

Nehemiya 4:8

Vano yahiiwanana ddoohella ekhoto o Yerusalemu wi yaanganyere m'muzindanimmo.

Genesis 24:56

Koma mullupa muttekooyo aallota wi, “Pepaani, muhikisellihe wawi Apwiya aakeetiha phaama wunchichi voolendonaakoolla. Kittaphulleni wi kihokollweelle wa apwiyaaka.”

1 Akorinto 9:14

Emoddamoddave yeeyo, Apwiya aalamula wi ayo enallalleya othenga waphaama enaphwanella yaakhelleke ddoopaalleya mu okumiiwa ovenyera mu ollalleyanko.

1 Akorinto 9:16

Koma kaallalleyaka khe ello yookiphwanelliha okota. Vawi miyaano koolamuliwa weera ddenndda. Otulli onaakhalle wa miyaano kaahillalleya othenga waphaama yoolla!

1 Akorinto 13:7

Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene.

2 Akorinto 2:12

Kaphiyalleemi o muzinda wa Troasi wi kallalleye othenga waphaama wa Khrisitu, Apwiya yaari ehullalle khalle mullako wa mutteko wenko.