1 Akorinto 9:1 - Mawu a Mulluku

¹ Miyaano ngihiyo oottaphulliwa? Miyaano ngihiyo murummwa? Ngimonne Yesu Apwiihu? Nyuwaano khamuri ezipaso dda muttekwaaka mu eyaattano ni Apwiya?

1 Akorinto 9:1 ပူးပေါင်းရင်းမြစ်များ

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

1 Akorinto 3:6

Miyaano kaamidda mmiddo, Apolo aahellella maaddi nave tti Mulluku eerihalle ddoomella wi ddunnuwe.

Mitteko 23:11

Mahiiyu yaayo Apwiya yahiimella vaari Paulo ellota wi, “Ohoove! Woovelleella omboni dda miyaano o Yerusalemu wuno nave onaphwanella weerettho ddiidda o Roma.”

Mitteko 9:3

Saulo aatamellaka o Damasiko, moorurumusa owala woovenyera oddullu waamwaapheella.

1 Akorinto 9:19

Miyaano ngihiyoni kaporo a muthu mmodda koma kinnaddeera meekhaaka kaporo a arive muthu wi kaakopelle athu anchichi wa Apwiya.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

Agalatiya 5:1

Khrisitu oonittaphulla hiyaano wi nikhalle oottaphulliwa! Vano imellani moollipa wonanko athu oottaphulliwa nave muhihokollweelle okhalla akaporo wiillittho.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Aroma 1:1

Ovenyera wa miyaano Paulo, oorumeyella a Khrisitu Yesu, murummwa awiithaniwa ni ootthoolliwa ni Mulluku wi killalleye othengaaye waphaama.

Agalatiya 1:1

Ovenyera wa miyaano Paulo, murummwa oyo wiithaniwa waye wahivenyenre wa athu apaalle oweella wa athu koma wa Yesu Khrisitu ni Mulluku Attiitthiihu ayo yaamuvenyihalle Yesu wa ookhwa.

1 Atesalonika 2:6

Khanaapanlle waakhella olemu ovenyera wa arive muthu naari ovenyera wa nyuwaano apaalle wa amodda.

2 Akorinto 11:5

Kinaganiza wi amurummwaanyu, ayo munaweereenyu uullupalli, khekikhwaranya miyaano.

1 Akorinto 1:1

Ovenyera wa miyaano Paulo, oyo kiithaniwe mu opaalla wa Mulluku wi kikhalle murummwa a Khrisitu Yesu. Navettho ovenyera wa mwanamunnihu Sostene.

Aroma 11:13

Vano kinallota wa nyuwaano athu ayo muhiri Aisraele. Kiriimi murummwa wa nyuwaano kinnakotella muttekwaaka.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

Mitteko 14:14

Paulo ni Baranaba yiiwalliiwa yapaalliiwa weerannddo, yahaahulla ddoowara ddiwa, ethamakella variyari va mullokooyo, ekhuwa wi,

Mitteko 14:4

Athu ookhalla m'muzindanimmo yaakawaneya, amodda yaari ni Ayuda nave amodda yaari ni Paulo owaaka Baranaba.

Mitteko 13:2

Yaallapelliiwa Apwiya ni ohalla ocha,* Munepa Waweella aallota wi, “Okitthoollelle Baranaba ni Saulo wi yaphare mutteko oyo kawiithanelleemi.”

Mitteko 9:15

Koma Apwiya yaallota wi, “Khawe kaambiiwa koomutthoolla wi akhalle echipangizwaaka, allalleye nnddina naka wa athu ayo ehiri Aisraele ni mamwene ni athu a o Israele.

Mitteko 9:5

Olliye ahaakhulla wi, “Nyu ttaani, Apwiya?” Mawaayo yahiiweya wi, “Mi tti Yesu onamuhooseewe.”

1 Akorinto 10:29

ohiri yawuupusella murimaanyu koma yawuupusella murima ya muthu mmoddooyo. Vano muthu mmodda akoha wi, “Kaambiiwa tini ophwanella waka wa weera ello onahiihiwa ni yawuupusella murima ya muthu mmodda?

1 Akorinto 10:30

Kaamuthokozaka Mulluku ekaamba ya ddoocha ddaka, muthu mmodda anaakivaanyihe mwawiidde ekaamba ya ddoochannddo?”

1 Akorinto 11:16

Koma vakhalla muthu mmodda anapaalla ovaanyiha ddenndda, eyo kinaalloteemi tti yawi hiyaano naari mipingo dda Mulluku khaddinna makhallello mamodda ollapella.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.