1 Akorinto 8:9 - Mawu a Mulluku

⁹ Vano chenjerani wi ottaphuwa wanyu vaweerani ddeko muhaakwakwatuwihe athu oofooka mu echikhulupililo.

1 Akorinto 8:9 ပူးပေါင်းရင်းမြစ်များ

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

1 Petro 2:16

Mukhalleke athu oottaphulliwa, muhiphariheke ottaphuwa wonngu wi mukhuwekena erive yoonanara nave mukhalleke wonanko akaporo a Mulluku.

2 Petro 2:19

Ennaalonjeza ottaphuwa koma alliwaayo tti akaporo a makhallello a woononga. Vawi muthu anakhalla kaporo a erive ello enamulamulella.

1 Akorinto 10:24

Ahikhallevo mmodda a nyuwaano aneereke ddoomuddivella yeekha koma ddawaaddivella amodda.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.

1 Akorinto 9:22

Kakhalla variyari va athu oofooka mu echikhulupililo kinakhalla oofooka wonanko mmodda a yaayo wi kaakope alliwaayo. Sika wa athu attheene kinakhalla wonanko alliwaayo wi apaalle kaavulluse amodda a yaayo voopharihani mutteko erive ettilla.

1 Akorinto 8:12

Nave mwawi ddiidda vawaalakwellani asinninyu ni arokorinyu ni ophoreyiha yawuupusella murimiiwa yoofooka munamuchimwella Khrisitu.

1 Akorinto 8:10

Erimakhalla wi muthu ookhalla ni yawuupusella murima yoofooka, oowoona weyaano, muthu oodduwella, ochaka mu enyumba ya nifano, yeella khemullipiha mwiilli ocha yoocha yooheraatthiwa wa mafano?

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

2 Akorinto 11:21

Kinnawulliwa muru wi killote wi hiyaano naari oofooka wi neere ddeko ddennddo. Koma yeehina ekotelle wonanko ookarangeya, miyaanottho kineerokotella kaallotaka wonanko ookarangeya.

1 Akorinto 10:29

ohiri yawuupusella murimaanyu koma yawuupusella murima ya muthu mmoddooyo. Vano muthu mmodda akoha wi, “Kaambiiwa tini ophwanella waka wa weera ello onahiihiwa ni yawuupusella murima ya muthu mmodda?

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Ezekiele 14:3

We mwaana a muthu, athu yaalla aahiya murimiiwa va mafano nave miitthwiiwa va ddookwakwatulliha ni waachimwiha. Ethiyo alliwa enaganiza wi kineerowaakhulla yaveka ezeru wa weyaano?

Yesaya 57:14

Vineerewiiweya mawu awi, “Llimani, llimani, okollani musewu. Venyihanivoni erive yookwakwatuwiha mu musewu wa athwaaka.”

Yesaya 35:3

Mullipihe matta oofooka, mwaavahe masiva makuttha oovelleveddeya.

Levitiko 19:14

Muhinamutembelela muthu oohiiwa apaalle omukwakwatulla muthu oohoona. Koma mumooveke Mullukwaanyu. Mi tti Apwiya.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Ezekiele 44:12

Alliwa yaanaarumeyella athu voollapellani mafano nave yaanaahollosa Aisraele vaweerani ddiiddo. Ekaamba ya yeella mi Apwiya Mulluku kinimallupella wi yaalla enaphwanella ollakiwa ekaamba ya machimwiiwa.

1 Akorinto 10:28

Koma muthu mmodda allota wa nyuwaano wi, “Ddoocha ddenndda ddaaheraatthiwa mukutho wa mafano,” vano muhiche ddoocha ddennddo, ekaamba ya oyo uulleelleni navettho ekaamba ya yawuupusella murima,

2 Akorinto 6:3

Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

2 Akorinto 11:29

Muthu mmodda afooka miyaanottho kinnafooka, muthu mmodda achimwa, kinnaddalliwa ni ethakaraka.

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.