1 Akorinto 8:3 - Mawu a Mulluku

³ Koma muthu aamukondaka Mulluku, Mulluku annamudduwella olliyooyo.

1 Akorinto 8:3 ပူးပေါင်းရင်းမြစ်များ

Eksodo 33:17

Vano Apwiya yaamulleella Mose wi, “Kineereweera moollikana ni mmo ollotilleewe ekaamba yawi kooweerella echifundo ni weyaano nave kinnuudduwella phaama.”

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

1 Akorinto 2:9

Nave mawu a Mulluku enallota wi, “Eyo muthu ahoonilleeye apaalle wiiwa, eyo muthu ahiganizereeye wi ttuuweereya, tti yeeyo Mulluku aakhozereeye ayo enamukonda.”

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

Yawuupullulla 2:19

kinnadduwella makhallellwaanyu, echikondaanyu, echikhulupilwaanyu, orumeyella wanyu ni ovillella wanyu. Kinnadduwella wi munneera phaama vano ohiyana ni vawaamba valle.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yeremiya 1:5

“Kihinuuphatuse m'mirimani mwa amaayo kahuudduwella khalleve. Nave ohinayariwe, kahuupatula khalleve, kahuutthoolla wi okhalle namallotella wa athu a mitundu ddittheddene.”

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

1 Yohane 4:19

Ninnakonda kaambiiwa Mulluku aari awaamba onikonda.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Eksodo 33:12

Mose ahaalleella Apwiya wi, “Mookhalla mukilleellaka wi kaahoollelle athwaalla o ellapweeyo koma khemukilleelle oyo munaamurumeenyu wi athaanane ni miyaano. Komave moollota khalle wi, ‘Kinnuudduwella phaama nave kooweerella echifundo.’

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Aroma 11:2

Mulluku khaakhootille athwaaye ayo atthoonlleeye khalle. Ethiyo khamunadduwella mawu a Mulluku awi namallotella Eliya aamuveka Mulluku wi aallake Aisraele?

1 Mamwene 3:3

Solomoni aanaakonda Apwiya nave aaniiwellella malangizo a attiitthinnya Davide. Komave aanavelleella mikutho ni woosa ddawunkhella omapuroninko.

Amosi 3:2

“Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

1 Yohane 4:7

Akhwaaka ookondiwa, hankoni nikondaneke kaambiiwa echikondi enavenyera wa Mulluku. Oyo anakonda tti ooyariwa wa Mulluku nave annamudduwella Mulluku.