1 Akorinto 8:13 - Mawu a Mulluku

¹³ Sika vano yoocha yamukwakwatulliha mwanamunnaka apaalle murokoraka, ngiwa kichattho enama yeella wi kihaakwakwatullihe.

1 Akorinto 8:13 ပူးပေါင်းရင်းမြစ်များ

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

2 Akorinto 11:29

Muthu mmodda afooka miyaanottho kinnafooka, muthu mmodda achimwa, kinnaddalliwa ni ethakaraka.

2 Akorinto 6:3

Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

1 Akorinto 13:5

Echikondi khenakhalla ni makhallello oonanara apaalle kheniikonda apaalle khenasha murima mwawaakuva, echikondi khenasungella mangawa a athu amodda,

1 Akorinto 6:12

Athu amodda ennallota wi, “Kinnaakhullelliwa weera erive ello.” Ddawoona koma khe ddeko ddittheddene ddiri ddaphaama. Miyaano kinallota wi kinnaakhullelliwa weera erive ello koma ngilamulelliwa ni erive ello.

1 Akorinto 10:33

Erani wonanko mmo kineerelleemi. Kinneesa omuhakallalliha arive muthu mu ddittheddene kineereemi, ohiri ddookiddivella meekhaaka koma ddawaaddivella attheene wi yavullusiwe.

1 Akorinto 9:12

Nave amodda yaphwanella waakhella ddenndda ovenyera wa nyuwaano, hiyaano khaninaphwanella wunchichi waakhella ddenndda? Hiyaano khanipharihalle mutteko yoophwanella yeella koma noovillella erive ello wi nihisellihe othenga waphaama wa Khrisitu.

Mateyu 17:27

Koma khaninapaalla waashiha murima athu yaalla. Sika khawe o enyanja wamedde ehomba. Ehomba yawaambeella omedda waatthamihe eyano nave muwano mwaye oneerophwanyamo makobiri ookwakhwanella okhomella musonkhwaaka ni waawo wa enyumba ya Mulluku. Waakuse nave wakhomelle misonkho ddahu.”

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Aroma 14:13

Vano nihiye weeruzana mmodda ni mukhwaaye. Koma moonesese wi muhaakukhumulle mwiilli nave muhaachimwihe asinninyu ni arokorinyu.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.