1 Akorinto 8:12 - Mawu a Mulluku

¹² Nave mwawi ddiidda vawaalakwellani asinninyu ni arokorinyu ni ophoreyiha yawuupusella murimiiwa yoofooka munamuchimwella Khrisitu.

1 Akorinto 8:12 ပူးပေါင်းရင်းမြစ်များ

Mateyu 18:6

“Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave apwinihiwe mu enyanja yoowallamella.

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

1 Akorinto 12:12

Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 18:21

Vano Petro aawa wa Yesu, amukoha wi, “Apwiya, mukhwaaka aakichimwellaka wiilliwiilli, kimukhululukelleke okavi? Ophiyera otthanu ni opiilli?”

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Samuele 2:25

Muthu amulakwella mukhwaaye Apwiya ttuuwaattaniha koma waachimwella Apwiya anaawaattaniheni ttaani?” Koma anamwanaayo kheyaawiwelleelle attiitthiiwaayo vawi waari opaalla wa Apwiya wi anamwanaayo yiiphiwe.

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Genesis 42:22

Sika Rubeni aallota wi, “Valle miyaano kahuulleellani wi musomboolla muhimweerena erive ello koma nyuwaano khamwaakiiwellelle. Mohoonathi vano nirina ollivelliwa ekaamba yoomwiipha olliye.”

Genesis 20:9

Sika Abimeleki aamwiithana Abrahamu amukoha wi, “Ethiyo oneerenlleeweella tti tini? Ethiyo kuuchimwenlle tini wi okittatthamullelle ddookatamiha mwawi ddiidda miyaano ni athu attheene a mu omwenaaka? Okeerelleewenndda khe ddaphaama.

Mariko 9:42

Koma muthu oyo aneeriha wi mmodda a ang'onong'onwaalla ahiye okikhulupilila miyaano, waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja.

Luka 17:2

Waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja ohiyana ni wi muthu yoolla amweerihe mmodda a ang'onong'onwaalla ahiye okikhulupilila miyaano.

Aroma 14:20

Muhoononge mutteko wa Mulluku ekaamba ya yoocha. Erive yoocha tti yaphaama koma tti olakwa ocha ello enaaweeriha asinnihu ni arokorihu ochimwa.