1 Akorinto 8:10 - Mawu a Mulluku

¹⁰ Erimakhalla wi muthu ookhalla ni yawuupusella murima yoofooka, oowoona weyaano, muthu oodduwella, ochaka mu enyumba ya nifano, yeella khemullipiha mwiilli ocha yoocha yooheraatthiwa wa mafano?

1 Akorinto 8:10 ပူးပေါင်းရင်းမြစ်များ

1 Akorinto 8:4

Sika vano kinuulleellani dda ocha ddoocha ddooheraatthiwa mukutho wa mafano. Ninnadduwella wi nifano khe ello eyo eri ni okumi; ninnadduwella wi Mulluku tti mmoddave.

Aroma 14:23

Koma oyo anakayikella ello anacheeye, Mulluku annamweeruza aachaka ello yeeyo kaambiiwa khenre ello yeeyo ni echikhulupililo. Nave erive ello ehineeriwa ni echikhulupililo, tti machimo.

1 Akorinto 8:7

Koma khe arive muthu anadduwella yeella. Athu amodda aaddollweella mafano sika naari vano yaachaka yoocha yeella eneesave tti yooheraatthiwa mukutho wa mafano. Yawuupusella murimiiwa tti yoofooka nave enaganiza wi aaripihiwa ni yoocheeyo.

Aroma 14:14

Ekaamba ya eyaattano ni Apwiya Yesu koodduwella nave koosimikiza wi kheyiivo ello yoonanara mwaweekhiiwa koma enakhalla yoonanara muthu ayiganizera wi tti yoonanara.

Amosi 2:8

Virive veko voollapellavo ennakonella ddoowara yaakhenlliiwa monga echikole ovenyera wa oohoowa. Mu enyumba ya Mullukwiiwa ennamuwirya vinyo emwaakhilliiwa ovenyera wa athu yakongonre makobiriiwa.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.

Numeri 25:2

Atthiyanaayo yaanawiithana omikuthoni dda milluku ddiwa. Vano yaanachana ni ollapella milluku ddiwannddo.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

1 Akorinto 8:9

Vano chenjerani wi ottaphuwa wanyu vaweerani ddeko muhaakwakwatuwihe athu oofooka mu echikhulupililo.