1 Akorinto 7:5 - Mawu a Mulluku

⁵ Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

1 Akorinto 7:5 ပူးပေါင်းရင်းမြစ်များ

Eksodo 19:15

Nave Mose ahaalleella wi, “Mukhozeke omuroto vano. Nave muhinakona ni mutthiyana.”

Yowele 2:16

Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

Mateyu 19:11

Yesu ahaakhulla wi, “Khe athu attheene enawiiwesese ehuddiho ella koma wa yaayove ayo evahiwe ni Mulluku.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Zekariya 7:3

Yapaallattho wi yaakohe allupa mukutho a o enyumba ya Apwiya Amasiva Mattheene ni anamallotella wi, “Ethiyo hiyaano ninlleke ni ohalla ocha* va mweeri waneetthanu wonanko mmo neerelleehu wa miyakha ddinchichi?”

Eksodo 21:10

Amutthellattho mutthiyana mmodda, anaphwanella ovirellella omuvaha mutthiyana awaambooyo ddoocha, ddoowara nave amweerelleke nnddo amweerelleeye vawaamba wonanko mwaariye.

1 Akorinto 7:4

Vawi mutthiyana khanalamulella mwiillaaye koma mamune sika analamulella. Emoddamoddave yeeyo mullopwana khanalamulella mwiillaaye koma mwaariye sika analamulella.