1 Akorinto 7:36 - Mawu a Mulluku

³⁶ Wa athu a va echitomelo koma ayo yaganizalle wi ehitthellane kinallota ddawi, mullopwana aaganizaka wi khokhalla waphaama wa mwaariye nave akhalla ni minkhella ddinchichi, vano ttuutthellana. Vawi yeera ddenndda khechimwalle.

1 Akorinto 7:36 ပူးပေါင်းရင်းမြစ်များ

1 Akorinto 7:37

Koma mullopwana, moohiwatiheriwa, aganiza ni murimaaye muttheene wi ahimutthelle, awora ovillella minkhella ddaye nave aganiza m'murimani mwaye wi eere ddiiddo sika anneera phaama voohimutthellani namwallooyo.

1 Akorinto 7:9

Koma yaahiwora wiihiiha o minkhella ddiwa, eye yatthelle. Tti waphaama otthella ohiyana ni oviha mwiilli.

1 Samuele 2:33

Koma kineeromusunga mmodda a munibanjani nawo wi arumeyelleke va nikuwa naka. Miitthwaaye eneeronanara nave aneerotathilla murima. Koma amodda anchichi eneerewiiphelliwa okhotoni eri asombwe.

Mateyu 1:18

Oyariwa wa Yesu Khrisitu waari wawi amennya, Mariya, yaatomeliwa ni Yosefe koma ehinatthellane, Mariyooyo aaphwanyeya ari ni erukullu mwamasiva a Munepa Waweella.

Mateyu 5:40

Nave muthu mmodda uukusella vanthatoni namillatu opaalla wi akuse malayaawo, omwaakhullelle akusettho yawiikhuneellaawo.

1 Akorinto 7:35

Kinallota ddenndda kaambiiwa kinapaalla wi kuukavihereni, ohiri wi kuuhiiheni ddoopaalla ddanyu. Koma kinapaalla wi mweereke ddaphaama nave wi mwiivelleelleke vawaarumeyellani Apwiya ni murima muttheene.

Yeremiya 29:6

Tthellani wi mwaayare anamwani aallopwana ni aatthiyana. Anamwani aallopwana mwaatthoollelle atthiyana nave anamwani aatthiyana mwaatthoollelle allopwana wi yaayare anamwani aallopwana ni aatthiyana. Sika mwaate wenko nave muhiyeve.