1 Akorinto 7:34 - Mawu a Mulluku

³⁴ nave vano anakhalla mpharapiilli. Mutthiyana oohitthelliwa apaalle namwalli anallipana ni mutteko wa Apwiya nave anapaalla akhalle aweella m'mwiillini ni m'munepani. Koma mutthiyana ootthelliwa anallipana ni ddeko dda va ellapo yavattheella nave anapaalla omuhakallalliha mamune.

1 Akorinto 7:34 ပူးပေါင်းရင်းမြစ်များ

1 Akorinto 6:20

Mwaakulliwa nave aallivella, sika pharihani miilli ddanyu wi mumutitimihe Mulluku.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

2 Akorinto 11:28

Vowaanjererani yeeyo, nllapo ni nllapo murima onnakivoreya vookhupanyellani mipingo ddittheddene.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

1 Timoteo 3:5

Vawi muthu ahinawora weetiha nibanja naye phaama, aneetihe mwawiidde mpingo wa Mulluku?

Yohane 10:13

Mullupa muttekoolle annathawa kaambiiwa tti mullupa mutteko nave khanapwathawo dda enkhosannddo.

1 Akorinto 7:33

Koma mullopwana ootthella anallipana ni ddeko dda va ellapo yavatthi nave anapaalla omuhakallalliha mwaariye;

1 Akorinto 7:35

Kinallota ddenndda kaambiiwa kinapaalla wi kuukavihereni, ohiri wi kuuhiiheni ddoopaalla ddanyu. Koma kinapaalla wi mweereke ddaphaama nave wi mwiivelleelleke vawaarumeyellani Apwiya ni murima muttheene.

1 Timoteo 5:5

Oyo ari naamukhwellekhwelle navettho khanna oomukavihera, akeraatthihe etiyerellwaaye mwa Mulluku navettho avirellelle ovekella otthaana ni mahiiyu wi amukavihere.