1 Akorinto 7:30 - Mawu a Mulluku

³⁰ Emoddamoddave yeeyo ayo eninlla ekhalleke wonanko kheninlla, ayo enahakallalla ekhalleke wonanko khenahakallalla, ayo enakulla ddeko ekhalleke wonanko khenakhallana enakullewanndda,

1 Akorinto 7:30 ပူးပေါင်းရင်းမြစ်များ

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Luka 6:25

Ootulli tti nyuwaano murina yoocha ollello, vawi muneerovolliwa ettalla. Ootulli tti nyuwaano munattheya ollello, vawi muneerewinlla ekutho ni omora miitthori.

Luka 6:21

Oodalisiwa tti nyuwaano munavolliwa ettalla ollello, vawi muneerovona. Oodalisiwa tti nyuwaano muninlla ollello, vawi muneerottheya.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Yawuupullulla 18:7

M'muhoose ni omumoriha ethakaraka ddawinlliha moollikana ni eyuuma owaaka ddoohakallalliha iivahilleeye yeekha. Vawi annallota yeekha wi, ‘Vano ngakiweheni, miyaano tti mwene aamutthiyana, ngihiyo naamukhwelle ngiwa kikumana ni ddawinlliha.’

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Yesaya 30:19

Ddawoona, nyu athu a o Ziyoni, ookhalla o Yerusalemu, khamwinllattho. Apwiya eneeroweerellani echifundo vawiiwa winlla wanyu nave va enthawi yeeyo aneerowaakhullani.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Ezekiele 7:12

Enthawi yoophiya, nllapo nohaatamella! Ookulla ahihakallalle, ookulliha ahimoriwe ethakaraka vawi owallaaka wohaamorella attheene moophwanaphwana.

1 Akorinto 7:29

Asinnaka ni arokoraka, eyo kinaakeemi tti yawi enthawi ehanlle tti yooyeva nave waambeella ollello, allopwana ootthella emuhiyeke Mulluku vahoollo wonanko khetthenlle.

1 Akorinto 7:31

ayo enaphariha mutteko ddeko dda vatthimva ekhalleke wonanko khennana mutteko ddekonnddo. Vawi ellapo yavattheella, mmo enooneyelliiwammu, khellekella omalla.