1 Akorinto 7:11 - Mawu a Mulluku

¹¹ Koma amuhiya, anaphwanella wi ahitthelliwettho apaalle ahokollweellane ni mamunooyo. Nave mullopwana ahimuhiye mwaariye.

1 Akorinto 7:11 ပူးပေါင်းရင်းမြစ်များ

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

1 Akorinto 7:10

Nave wa athu ootthella, kookhalla ni lamulo, ohiri naaka koma na Apwiya wi mutthiyana ahimuhiye mamune.

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

Deuteronomo 22:19

Vatulli viwa emullivihettho makobiri a siliva makhumi khumi nave avelleelle wa attiitthinnya a mutthiyanooyo. Ddawoona allive, ekaamba yawi aamuwulliha muru namwalli a mu Israele. Komattho avirellelle okhalla mwaariye nave mullopwanooyo ahiwe amusuzula mu okumaaye muttheene.

Mariko 10:2

Afarisi* amodda yaawa wa olliyooyo, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye?”

Mateyu 5:32

Koma miyaano kinuulleellani wi, mullopwana amuhiya mwaariye ahiraruwalle, annamweeriha mutthiyanooyo oraruwa atthelliwattho nave mullopwana amutthella mutthiyana oohiyiwooyo animararuwattho.”

Mariko 10:12

Emoddamoddave yeeyo, mutthiyana amuhiya mamune atthelliwa ni mullopwana mmodda, animararuwa.”

Luka 16:18

“Arive mullopwana amuhiya mwaariye amutthella mmodda animararuwa nave mullopwana anamutthella mutthiyana oohiyiwooyo animararuwattho.

1 Akorinto 7:12

Nave wa amoddanyu, miyaano, ohiri Apwiya kinallota wi ookhulupilila aamullopwana akhalla ni mwaariye oyo ahiri ookhulupilila nave mwaariyooyo aakhullella wi akhallekeve ni olliyooyo, mullopwanooyo ahimuhiye mwaariyooyo.