1 Akorinto 7:10 - Mawu a Mulluku

¹⁰ Nave wa athu ootthella, kookhalla ni lamulo, ohiri naaka koma na Apwiya wi mutthiyana ahimuhiye mamune.

1 Akorinto 7:10 ပူးပေါင်းရင်းမြစ်များ

Mateyu 5:32

Koma miyaano kinuulleellani wi, mullopwana amuhiya mwaariye ahiraruwalle, annamweeriha mutthiyanooyo oraruwa atthelliwattho nave mullopwana amutthella mutthiyana oohiyiwooyo animararuwattho.”

Luka 16:18

“Arive mullopwana amuhiya mwaariye amutthella mmodda animararuwa nave mullopwana anamutthella mutthiyana oohiyiwooyo animararuwattho.

1 Akorinto 7:15

Nave oyo ahiri ookhulupilila apaalla omuhiya mukhwaaye ookhulupililoolle, amuhiye. M'millatuni ddawi ddiidda, ookhulupililoolle, aamutthiyana apaalle aamullopwana khanamakiwa. Mulluku oowiithanani wi mukhalle m'murendelleni.

Yeremiya 3:20

Koma ddawoona, wonanko mmo mutthiyana anamuthawelleeye mamune moolleka, we Israele khororomelleye wa miyaano. Mi Apwiya koollota.”

1 Akorinto 7:12

Nave wa amoddanyu, miyaano, ohiri Apwiya kinallota wi ookhulupilila aamullopwana akhalla ni mwaariye oyo ahiri ookhulupilila nave mwaariyooyo aakhullella wi akhallekeve ni olliyooyo, mullopwanooyo ahimuhiye mwaariyooyo.

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

1 Akorinto 7:6

Kinuulleellani ddenndda ohiri mowuulamulani koma moowaakhullellani wi muddeere.

1 Akorinto 7:40

Koma oganiza waka tti wawi anakhalla moohakallalla ni murimaaye muttheene akhalla oohitthelliwa. Nave kinaganiza wi kookhalla ni Munepa a Mulluku.

Mariko 10:2

Afarisi* amodda yaawa wa olliyooyo, emukoha moomweesa wi, “Tti wowaakhullelliwa ni malamulwaahu wi muthu amwallane ni mwaariye?”

1 Akorinto 7:11

Koma amuhiya, anaphwanella wi ahitthelliwettho apaalle ahokollweellane ni mamunooyo. Nave mullopwana ahimuhiye mwaariye.