1 Akorinto 6:3 - Mawu a Mulluku

³ Ethiyo khamunadduwella wi nineeroweeruza angelo? Sika Nineerowora weeruza ddeko dda okumi yoolla.

1 Akorinto 6:3 ပူးပေါင်းရင်းမြစ်များ

Yuda 1:6

Muupuwelle angelo ayo yahikwakhwanihiwe ni olamulellwiiwa nave yaahiya mookhalla mwiwa. Mulluku ahaamaka ni onyolo woohiphaddeya nave ohaahiya onipuroni neepiphi ophiyera nllapo naweeruza nuullupallinne.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

1 Akorinto 6:4

Vano mwakhalla ni millatu dda ddeko ddenndda munaddisumella tini wa athu oohikhalla ni olamulello mumpingoni wi yeeruze?

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

2 Timoteo 2:4

Akhoto oyo ari va muttekoni anapaalla omuhakallalliha akhoto muullupalli, sika khanapwatha mitteko ddoowaani.

2 Petro 2:4

Mulluku khaawalleville angelo ayo yachimwalle koma ahaavokha mu gehena, mwemmo eri oomakiwa ni onyolo mu epiphi, otiyera nllapo na echiweruzo.

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

1 Akorinto 6:15

Ethiyo khamunadduwella wi miilli ddanyu tti eziwalo dda mwiilli wa Khrisitu? Miyaano ttuukusa eziwalo dda Khrisitu ni odditthattusa eziwalo dda mutthiyana ooraruwa? Khe ddiiddo!

1 Akorinto 6:16

Apaalle khamunadduwella wi muthu oyo anakona ni mutthiyana ooraruwa ennatthattuwa mwiilli mmodda? Mawu a Mulluku enallota wi, “Eellaayo eneerokhalla mwiilli mmodda.”

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.