1 Akorinto 6:2 - Mawu a Mulluku

² Ethiyo khamunadduwella wi athu a Mulluku eneereweeruza ellapo yavatthi? Nave mwawora weeruza ellapo yavatthi, khamuwora weeruza millatu dding'onong'ono?

1 Akorinto 6:2 ပူးပေါင်းရင်းမြစ်များ

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

2 Akorinto 4:18

Vawi mirima ddahu ddiri va ddeko ddoohooneya ohiri va ddeko ddawooneya. Ddeko ddawooneya tti ddoomalla koma ddeko ddoohooneya tti ddoohimalla.

1 Akorinto 6:4

Vano mwakhalla ni millatu dda ddeko ddenndda munaddisumella tini wa athu oohikhalla ni olamulello mumpingoni wi yeeruze?

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

Zekariya 14:5

Nyuwaano muneerothawa vooweellani mu ntapo nenno na variyari va mwaango. Muneerothawa wonanko mwathawelleenyu enthawi ya echivomezi va enthawi ya Uziya mwene a o Yuda. Vatulli viwa Apwiya Mullukwaanyu eneeroowa vamodda ni aweelliiwa attheene.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

1 Akorinto 1:20

Sika vano, nndda ddinaaphiyihe wuuwi athu eezeru apaalle ahuddihi a malamulo* apaalle athu oodduwella ollota, ayo eri a ellapweella? Mulluku oheeriha wi ezeru dda athu a ellapweella ddikhalle ddookarangeya!

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.