1 Akorinto 6:1 - Mawu a Mulluku

¹ Mmodda a nyuwaano akhalla ni mullatu ni ookhulupilila mukhwaaye, enamullipiha mwiilli tti tini wi amusumelle wa oohimullapella Mulluku, ohiri wa athu a Mulluku wi yeeruze mwahooyo?

1 Akorinto 6:1 ပူးပေါင်းရင်းမြစ်များ

Mitteko 19:38

Demetrio ni allupa muttekwaaye yaarimi eri ni mullatu woowaavaanyiha athwaalla, ahiyeni yaasumelle o nthato. Ekaamba yawi nookhalla ni mathato a millatu ni aweeruza.

1 Akorinto 14:33

kaambiiwa Mulluku khanapaalla wi hiyaano nikhalle oohitthopoowa koma amurendelle. M'mipingoni ddittheddene dda athu a Mulluku

1 Akorinto 16:1

Vano kinaaka mudduwelle dda ddoovelleella makobiri awaakavihera athu a Mulluku o Yudeya nnddo mwalembilleenyu. Munaphwanella weera kalamulalleemi mipingo mu Galatiya wi ddeere.

1 Akorinto 16:15

Munnadduwella dda Stefanasi ni nibanja naye wi yaari ookhulupilila awaamba mu Akaiya wi yahiivelleella weekhiiwa waarumeyella athu a Mulluku. Asinnaka ni arokoraka, kinimuuvekani

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

1 Akorinto 5:12

Kohiyo muttekwaaka oweeruza athu a otte wa mpingo. Mulluku aneeroweeruza. Koma ethiyo khamunaphwanella oweeruza athu a mumpingoni mwanyu? Mawu a Mulluku enallota wi, “Mumuvenyihemo muthu oonanara mumpingoni mwanyu.”

1 Akorinto 6:5

Muwulliwe muru! Ethiyo vookhalla muthu mmodda eezeru variyari vanyu oyo anaawore weeruza mullatu variyari va ookhulupilila?