1 Akorinto 5:8 - Mawu a Mulluku

⁸ Hankoni vano nihakallalle ni Paskaahu oohikhalla ni yisiti akhalle, yisiti a ddoonanara nave a machimo koma ni buledi oohikhalla ni yisiti, buledi a yaweella ni a yawoona.

1 Akorinto 5:8 ပူးပေါင်းရင်းမြစ်များ

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Eksodo 12:15

Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Luka 12:1

Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

1 Akorinto 5:6

Kheyaphaama wi nyuwaano mwiitukhulleke! Ethiyo khamunadduwella wi, “Yisiti ooyeva annamufufumiha buledi muttheene”

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Mateyu 16:12

Vano oohudderaalle yahiiwesesa wi khaalleelle ddawi echenjerekena yisiti koma echenjerekena ehuddiho yawoottha ya Afarisi ni Asaduki eyo yaari wonanko yisiti.

Yesaya 30:29

Koma muneerohakallalla ni wiipa wonanko muneerelleenyu mahiiyu va ehakallallo yoopatuleya. Muneerohakallalla wonanko athu eneeta yiipaka nipallapata o mwaango wa Apwiya, nlluku na Israele.

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 32:2

Oodalisiwa tti oyo Apwiya ehinamweerengelliiwa mullatwaaye, oyo m'murimani mwaye muhiri ddoolleka.

Levitiko 23:6

Nave va nllapo na 15 na mweeri yooyo tti nllapo nawaamba Ehakallallo ya Buledi Oohikhalla ni Yisiti, nowaariiha Apwiya. Va mallapo matthanu ni meelli mumucheke buledi oohikhalla ni yisiti.

2 Akorinto 8:8

Nginallota yeella moolamula. Koma vawoonihani ntthitti na athu amodda voovahani, kinaaka koone echikondaanyu yaarimi eri yawoona.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

Deuteronomo 16:16

“Allopwana attheene a mutundwaanyu ewe wi yaallapelle Apwiya Mullukwaanyu o nipuro namallapello, oraru vamuyakhani. Ewe va enthawi ya Paska, Ehakallallo ya Ddoohata navettho va Ehakallallo ya Misasa. Nave ehiweeke vamiitthoni va Apwiya mattave

Eksodo 13:6

Wa mallapo matthanu ni meelli, mumucheke buledi oohikhalla ni yisiti nave va nllapo naneetthanu ni piillinno vikhalleke ehakallallo yowaallapella Apwiya.

Eksodo 12:8

Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 13:7

Mumucheke buledi oohikhalla ni yisiti wa mallapo matthanu ni meelli. Vihikhalle buledi ookhalla ni yisiti apaalle yisiti mu echigawaanyu ettheeneeyo.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.