1 Akorinto 5:5 - Mawu a Mulluku

⁵ Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

1 Akorinto 5:5 ပူးပေါင်းရင်းမြစ်များ

1 Timoteo 1:20

Amodda a yaayo tti Himeneo ni Alekizandro ayo kaallakilleemi vawaavelleellani wa Satana wi ehiye omullotella epewe Mulluku.

Yobu 2:6

Apwiya yaamwaakhulla Satana wi, “Eyaa, vano ddittheddene Yobu ariiyena kooddihiya m'mattani mwawo koma ohimwaakhe okumaaye.”

2 Akorinto 13:10

Kinamulemba kalatoolla kihinaphiye wi kaphiya kihikhalle oowalli voopharihani mutteko olamulello oyo Apwiya yakivahilliiwa. Olamulello yoolla tti wawuullipihani ohiri wawuumwarani.

2 Akorinto 10:6

Nave nyuwaano mooniha wi munniiwellella ni murima muttheene, niri ookhozeka omullaka arive muthu ohiiwellella.

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Miyambo 23:14

Wamuwashulla ni ekopo oneeromuvullusa wuukhwaani.

Masalimo 109:6

Mutthoolleni muthu oonanara wi amuvaanyihe ookiwukilooyo, mmodda mwa adanaaye amuhumullulle.

2 Petro 3:12

mwaatiyeraka Nllapo na Mulluku nave mweeseeseke oneeriha wi niwe veneva. Nllapo nenna oddullu oneerewoosiwa ni woonongiwa nave ddeko ddooddullu ddineeronyeta ni oviha wa munllo.

2 Timoteo 1:18

Apwiya emweerelle echifundo va nllapo noomallihanno. Nave onnadduwella phaama mmo aakikaviherelleeye o Efeso.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Levitiko 13:21

Koma mullupa mukutho awehesesa, aphwanya wi mapururwiiwa khetthattuwalle aweella nave etthukweeyo khephiyalle muwari koma ennavolla, mullupa mukuthooyo amweerihe muthu oovoriwooyo wi akhalleke yeekha wa mallapo matthanu ni meelli.