1 Akorinto 5:11 - Mawu a Mulluku

¹¹ Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

1 Akorinto 5:11 ပူးပေါင်းရင်းမြစ်များ

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

2 Atesalonika 3:14

Mmodda aahiiwellella mawaahu a mu kalata yoolla, mooneseseni yooyo wi muhaattanena wi awulliwe muru.

2 Atesalonika 3:6

Asinnihu ni arokorihu ninnuulamulani, mu nnddina na Apwiihu Yesu Khrisitu wi mumwallaneke ni ookhulupilila attheene oolesi ni ayo ehinathwara ehuddiho mwaakhenlleenyu wa hiyaano.

Mateyu 18:17

Nave aahiwiiwellella yaayo, olleelle mpingo yeeyo. Voomallihellani, aahiiwellellattho mpingooyo omweeseke wonanko muthu oohimullapella Mulluku apaalle ookhomiha musonkho.

2 Yohane 1:10

Sika vano, mmodda awa wa nyuwaano ahiwaana ehuddiho yeella, muhimwaakhelle mpa mwanyu apaalle omvaha mooni.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

Mateyu 23:25

“Nyu, awoottha, ahuddihi a malamulo ni Afarisi, mookhalla ni otulli! Munnahuwa otte wa kapu ni embale koma muwari mwiwa tti mooddalla ni dda nrima ni dda wiikonda.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

1 Akorinto 8:11

Sika vano ekaamba ya ezeru ddawo muthu oofooka yoolla, mwanamunno apaalle murokoriyo oyo Khrisitu amukhwenlleeye aneerewoonongiwa.

1 Akorinto 6:6

Koma vano ookhulupilila anaya o nthato namillatu omusumella ookhulupilila mukhwaaye wi athu oohimullapella Mulluku yeeruze mullatooyo!

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Masalimo 101:5

Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Agalatiya 2:12

Athu amodda ayo yarumihiwe ni Yakobo ehinaphiye wenko, Petro aanacha ni athu ayo ehiri Ayuda. Nave athu yaalla ephiyalle, aahiya ocha ni athu ayo ehiri Ayuda kaambiiwa awoova ayo yapaalla wi yaaphadde alliwaayo.

1 Akorinto 11:21

Vawi mwaachaka, arive muthu anacha yoochaaye, sika amodda ennavolliwa ettalla amodda elezelaka.

1 Akorinto 10:14

Sika vano, akhwaaka ookondiwa, murapelleke mafano.

1 Akorinto 7:15

Nave oyo ahiri ookhulupilila apaalla omuhiya mukhwaaye ookhulupililoolle, amuhiye. M'millatuni ddawi ddiidda, ookhulupililoolle, aamutthiyana apaalle aamullopwana khanamakiwa. Mulluku oowiithanani wi mukhalle m'murendelleni.

1 Akorinto 7:12

Nave wa amoddanyu, miyaano, ohiri Apwiya kinallota wi ookhulupilila aamullopwana akhalla ni mwaariye oyo ahiri ookhulupilila nave mwaariyooyo aakhullella wi akhallekeve ni olliyooyo, mullopwanooyo ahimuhiye mwaariyooyo.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Luka 18:11

“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa