1 Akorinto 5:1 - Mawu a Mulluku

¹ Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

1 Akorinto 5:1 ပူးပေါင်းရင်းမြစ်များ

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yawuupullulla 2:21

Koomuvaha enthawi yawi arukunuwe murima koma khanapaalla ohiya oraruwa waye.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

Levitiko 18:8

Ohaarulle attiittho vookonani ni arive mwaariwa.

Agalatiya 5:19

Mitteko dda omuthu tti ddawooneya. Ddinooneya mu oraruwa, onanara nave okhallella minkhella ddoonanara;

1 Atesalonika 4:7

Mulluku khaaniithanne wi neereke ddooraruwa koma ddaweella.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

1 Akorinto 6:18

Thawani oraruwa. Erive yoochimwa eneeriiwa ni muthu khenaripiha mwiillaaye koma muthu ooraruwa anaripiha mwiillaaye.

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Yeremiya 2:33

Khaavo anuukhwaranyeni va owaasha ookondiwa eelleto sika ttuuwaahuddiha atthiyana oonanara ettilla ddanyu.

2 Akorinto 7:12

Sika naari kamulembille kalata yoolle, khe ekaamba ya muthu oochimooyo apaalle oyo eerelliwe ddoonanara. Koma kamulembille kalatooyo wi muddoone weekhiinyu vamiitthoni va Mulluku mmo wunnuwa wa ntthitti nanyu okhallelliiwa va hiyaano.

1 Akorinto 1:11

Vawi athu amodda a mu nibanja na Koloe aakilleella wi vookhalla okangana variyari vanyu, asinnakanyu ni arokorakanyu.

Amosi 2:7

Ennaanyingallella athu oohoowa, khenaapwatha naari vang'ono oopaneya. Muthu ni attiitthinnya ennakona ni kaporo aamutthiyana mmoddamoddave yooyo, ennanyaambusa nnddina naka naweella.

Ezekiele 16:47

Weyaano khewaawiiwananne ni ettilla ddiwa navettho ddaweera ddiwa ddoonanara. Koma viviralle enthawi yooyeva waheera yoonanara waakhwaranya alliwa.

Deuteronomo 27:20

“ ‘Atembeleliwe arive muthu awaawulliha muru a attiitthinnya vookonani ni mwaariwa.’ “Nave athu attheene yaakhulle wi, ‘Amen!’

Deuteronomo 22:30

“Muthu ahaawullihe muru attiitthinnya voomutthellani mwaariwa attiitthinnya.”

Ezekiele 22:10

Mwa weyaano mookhalla amodda ookona ni awara a attiitthiiwa, amoddattho owaawatihera atthiyana okonana eri omweerini,

1 Epilli 5:1

Alla sika anamwani a Rubeni mwaana awaamba a Yakobo. Rubeni aari mwaana awaamba koma ekaamba yawi aakona ni mmodda mwa awariwa ang'onong'ono a attiitthinnya, ottekweenaaye waavahiwa wa Yosefe mwanamunne. Sika ekaambiiwa ahinaphwanyeyeeye va ntthopoollo na anamwani awaamba.

2 Samuele 20:3

Davide aphiyalle o enyumbaaye o Yerusalemu ahaakusa awariye ang'onong'ono ayo aahiyalleeye wi ewehereke enyumbaaye aawallella mpa mmo amuhiyalleeyemo mulonda. Aanaavaha yoocha koma Davide khaakonana awariyaayo. Ahaawallella mpa ophiyera nllapo yakhwilliiwa nave yakhalla wonanko anaamukhwelle

2 Samuele 16:22

Sika yammakella Abishalomu musasa vaddullu va enyumba yaattiitthinnya, Nave Abishalomu aaya akonana ni awariye ang'onong'ono a attiitthinnya, Aisraele attheene yoonaka.

1 Samuele 2:24

Iyaayi anaaka nndda kinawiiweemi athu a Apwiya ellotaka ni ovuwiha khe ddaphaama.

Levitiko 20:11

Muthu ookona ni mwaara attiitthinnya, ohaarulla attiitthinnyaayo nave attheenaayo yiiphiwe. Nikhame niwa ninaakhalle va muru viwa.

Genesis 49:4

Tti wonanko echigumula ya maaddi awoopiha. Koma khokhallattho awaaposa akhwaawo, kaambiiwa waakona ni mwaaraka mung'onong'ono nave waheera ddoowulliha muru vabedini a attiittho.”

Genesis 37:2

Ella sika epilli ya nibanja na Yakobo. Yosefe ari musombwe a miyakha 17, achiha enkhosa ni epuri nimodda ni asinne, anamwani a Biliha ni a Zilipa, awariwa ang'onong'ono a attiitthinnya. Vano Yosefooyo aanaalleella attiitthinnya ddoonanara ddittheddene yeera asinnaayo.

Genesis 35:22

Yakobo ari mwiillaponimmo, Rubeni aakona ni Biliha, mmodda mwa awariye ang'onong'ono a attiitthinnya nave Yakobo ahiiwa ddenndda. Yakobo aari ni anamwani aallopwana khumi ni eelli.

2 Akorinto 2:5

Vano vakhalla muthu mmodda amuvoriihalle murima mukhwaaye koma ollota moohonjerera, khenre yeeyo wa miyaano koma wa nyuwaano attheene mwa ettilla emodda.