1 Akorinto 4:6 - Mawu a Mulluku

⁶ Asinnaka ni arokoraka, killotilleeminndda tti dda miyaano ni Apolo wi nikhalle echisanzwaanyu wi dduuhuddiheni ottaphullella mawu awi, “Muthwareke nnddo ddalembiwe.” Vano muhiitukhulleke mwa muthu mmodda ni omuvevulla mmodda.

1 Akorinto 4:6 ပူးပေါင်းရင်းမြစ်များ

2 Akorinto 11:4

Vawi nyuwaano munnamwaakhullella moohakallalla muthu mmodda oyo anawa wa nyuwaano nave amullalleya Yesu mmodda, oohiyana ni Yesu naamullalleyilleehu. Nave munnaakhullella munepa mmodda ni othenga mmodda oohiyana ni Munepa ni othenga mwaakhenlleenyu ovenyera wa hiyaano!

2 Akorinto 12:19

Apaalle munaganiza wi enthawi ettheene ninakhallella wiiteteza weekhiihu vamiitthoni vanyu. Khe ddiiddo! Koma ninallota mu eyaattano ni Khrisitu vamiitthoni va Mulluku. Nave akhwiihu ookondiwa, erive ello ninallota wi nuullipiheni.

2 Akorinto 12:6

Naari keeki kikote ngaakhalle ookarangeya kaambiiwa kaalloteke ddawoona koma nginakotella kaambiiwa kinapaalla arive muthu akivahe olemu va ddeko anooneeye ni wiiwa ovenyera wa miyaano.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

2 Akorinto 4:15

Ddittheddenendda tti ekaamba ya nyuwaano wi echisomo ya Mulluku yaaphiyere athu anchichi wi vikhalle othokoza wunchichi wi Mulluku atitimihiwe.

1 Akorinto 8:1

Vano kinaaka killote dda ddoocha ddooheraatthiwa mukutho wa mafano nnddo mwaalembilleenyu. Tti ddawoona wi attheene nookhalla ni ezeru. Vano ezeru ddinnaweeriha athu okota; koma echikondi sika enallipiha.

1 Akorinto 5:6

Kheyaphaama wi nyuwaano mwiitukhulleke! Ethiyo khamunadduwella wi, “Yisiti ooyeva annamufufumiha buledi muttheene”

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

2 Akorinto 10:15

Nave khaninakotella mutteko oyo ophariwe ni athu amodda ovirellella muyezo Mulluku anivahilleeye koma ninatiyera wi echikhulupilwaanyu yunnuwe wi munivahe olemu munchichi voohivirerellani muyezo anivahille Mulluku.

2 Akorinto 10:12

Khaninapaalla wiiphwanaphwaniha apaalle ollikana ni athu ayo eniitetheella weekhiiwa. Yaayo khenna ezeru! Eniiphwanihera weekhiiwa nave enaddeeruza weekhiiwa ni mafanwiwaayo!

1 Akorinto 13:4

Echikondi enniithaalla nave ennareera murima. Echikondi khenaakhallella ehache athu amodda apaalle wiitukhulla apaalle okota.

1 Akorinto 9:23

Kineera ddittheddenndda ekaamba ya othenga waphaama wi nameenettho kaakhellena madaliso.

1 Akorinto 5:2

Nave nyuwaano munakotella tini? Mwaphwanenlle m'moriweke ethakaraka nave muthu oyo enre ello yeella anaphwanella wi avenyihiwe variyari vanyu.

1 Akorinto 3:21

Vano ahikhallevo awiitukhulla ni ddaweera dda athu. Ddeko ddittheddene tti ddaanyu:

1 Akorinto 1:31

Sika vano, wonanko mmo mawu a Mulluku yalembelliwiiwa wi, “Oyo anapaalla wiitukhulla, iitukhulleke ni nnddo ddeeriwe ni Apwiya.”

1 Akorinto 1:19

Ddaalembiwattho mu mawu a Mulluku wi, “Kineerewoononga ezeru dda athu eezeru, ni ochenjera wa athu oochenjera.”

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Masalimo 146:3

Muhinaaroromellaka mamwene apaalle athu amodda ayo ehinawora ovullusa.

Masalimo 8:4

kinniikoha wi, “Muthu ttaani wi mumuupuwelleke? Muthu ttaani wi mumpwatheke?”

Mitteko 18:24

Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.