1 Akorinto 4:4 - Mawu a Mulluku

⁴ Vawi nginoona ello yookivaanyiha m'murimani mwaka koma yeella khenasimikizella wi miyaano tti oolungama. Apwiya sika enakeeruza miyaano.

1 Akorinto 4:4 ပူးပေါင်းရင်းမြစ်များ

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Masalimo 130:3

Nyu Apwiya, mweerengella machimo, ttaani ahinaaphwanyeye ni mullatu.?

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Miyambo 21:2

Erive ettilla wa muthu tti yaphaama vamiitthoni vaye koma Apwiya enneesa murima.

Masalimo 19:12

Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Aroma 2:13

Vawi khehiyo athu awiiwa malamulove enaalungamihiwe vamiitthoni va Mulluku koma ayo eniiwellella malamulwaayo.

Yobu 40:4

“Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

Yobu 27:6

Kineerollipihellave echilungamwaaka, nginna yawiivaanyiha m'murimani mwaka.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Mitteko 23:1

Paulo ahaawehesesa attekweene a millatu a Ayudaalle* allota wi, “Ayuda akhwaakanyu! Ollota dda okhalla waka ni Mulluku, miyaano nginna mullatu ophiyera ollello vaava.”

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Yobu 9:20

Naari kiri oohilakwa, eyanwaaka eneerokivaanyiha, eneerokiphwanya ni yoolakwa naari kihipahunlle ello.

Aroma 4:2

Aariki alungamihiwe ni Mulluku ekaamba ya mitteko ddaye, aaweerokhalla ni ddeko ddawiitukhullana koma ohiri vamiitthoni va Mulluku.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

Masalimo 26:12

Kookeraattheya vanipuroni noohikatamiha, kineerewaatitimiha Apwiya va mutthukumano muullupalli.

Miyambo 29:26

Athu anchichi ennaashaasha waattana ni oolamulella koma echilungamo ya muthu enavenyera wa Apwiya.

1 Akorinto 4:3

Vano miyaano nginnana mutteko ddawi kineeruziwe ni nyuwaano apaalle va nthato na athu navettho naari nginaddeeruza meekha.