1 Akorinto 4:2 - Mawu a Mulluku

² Ello emodda yoopaalleya tti yawi oorumeyella yaalla ekhalle oororomelleya.

1 Akorinto 4:2 ပူးပေါင်းရင်းမြစ်များ

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Mateyu 25:23

Apwinnyaalle yaallota wi, ‘Woheera phaama, we mullupa mutteko aphaama ni oororomelleya, vawi waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Miyambo 13:17

Murummwa oohiroromelleya annaahiya athu mu ddookatamiha koma oororomelleya annachiriha.

Numeri 12:7

Koma ngeerille ddiiddo ni oorumeyellaaka Mose oyo akhanlle aaweheraka athwaaka attheene Aisraele.

Akolose 4:17

Nave mullote wa Arkipo wi, “Woonesese wi ovirellelle ophara mutteko wa waarumeyella Apwiya oyo wavahiwiiwa ophiyera omanlle.”

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

Akolose 1:7

Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Akolose 4:7

Mwanamunnihu ookondiwa Tikiko, mullupa mutteko oororomelleya ni oorumeyella mukhwiihu m'muttekoni wa Apwiya, aneerewuulleellani epilli ya miyaano.

1 Akorinto 4:17

Sika ekaambiiwa kinamurumiheemi Timoteo wa nyuwaano, oyo ari mwanaka ookondiwa ni oororomelleya mu eyaattano ni Apwiya. Aneerowuupusani ettilla kinathwareemi mwa Khrisitu Yesu. Nndda sika kinahuddiheemi virive veko mu mipingo ddittheddene.

2 Mamwene 12:15

Athu ayo yinnyiwa makobiri oollivella allupa mutteko oopotokosa enyumbeeyo kheyaakoha wi etthopoolle dda mmo yeetihelliiwa vawi yaari oororomelleya.

2 Mamwene 22:7

Koma muheerengelle makobiri oovelleelliwa m'mattani mwa akapitawo vawi tti oororomelleya.”

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

1 Akorinto 4:3

Vano miyaano nginnana mutteko ddawi kineeruziwe ni nyuwaano apaalle va nthato na athu navettho naari nginaddeeruza meekha.