1 Akorinto 4:17 - Mawu a Mulluku

¹⁷ Sika ekaambiiwa kinamurumiheemi Timoteo wa nyuwaano, oyo ari mwanaka ookondiwa ni oororomelleya mu eyaattano ni Apwiya. Aneerowuupusani ettilla kinathwareemi mwa Khrisitu Yesu. Nndda sika kinahuddiheemi virive veko mu mipingo ddittheddene.

1 Akorinto 4:17 ပူးပေါင်းရင်းမြစ်များ

1 Timoteo 1:2

Kinamulembella wa weyaano, Timoteo, mwanakamwanaka mu echikhulupililo. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

1 Akorinto 16:10

Timoteo aphiya owaninyunko, moonesese wi olliye oone wi moomwaakhella variyari vanyu kaambiiwa olliye anapharattho mutteko wa Apwiya, wonanko miyaano.

1 Akorinto 7:17

Arive muthu akhalleke moollikana ni mmo avahiweeye ni Apwiya nave wonanko mmo akhallelleeye iithaniweeye ni Mulluku. Nna sika lamulo kinahuddiheemi m'mipingoni ddittheddene.

2 Timoteo 1:2

Kinuulembella weyaano Timoteo mwanaka ookondiwa. Echisomo, echifundo ni murendelle ddoovenyera wa Mulluku Attiitthiihu ni Khrisitu Yesu Apwiihu ddikhalle ni weyaano.

1 Akorinto 16:1

Vano kinaaka mudduwelle dda ddoovelleella makobiri awaakavihera athu a Mulluku o Yudeya nnddo mwalembilleenyu. Munaphwanella weera kalamulalleemi mipingo mu Galatiya wi ddeere.

1 Akorinto 14:33

kaambiiwa Mulluku khanapaalla wi hiyaano nikhalle oohitthopoowa koma amurendelle. M'mipingoni ddittheddene dda athu a Mulluku

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

1 Akorinto 11:2

Kinnathokoza kaambiiwa mu erive ello munnakuupuwella ni othwara ehuddiho eyo kuuhiyenreemini.

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

2 Timoteo 3:10

Koma weyaano waathwara phaama ehuddihwaaka, makhallellwaaka, yoolingaaka, echikhulupililwaaka, olleva waka, echikondaaka, ovillella waka,

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.

Akolose 4:9

Anaawe ni Onesimo, mwanamunnihu ookondiwoolle ni oororomelleya, a mullokwaanyu. Eneerewuulleellani erive ello eneereya wuno.

Akolose 1:7

Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

Afilipi 2:19

Apwiya yapaalla, kinatiyerella omurumiha Timoteo wa nyuwaano veneva wi killipihiwe murima ni epillaanyu.

Aefeso 6:21

Tikiko mwanamunnihu ookondiwa ni oorumeyella oororomelleya m'muttekoni wa Apwiya, aneerewuulleellani ddittheddene dda miyaano wi mudduwelle eyo kineereemi.

1 Akorinto 11:16

Koma vakhalla muthu mmodda anapaalla ovaanyiha ddenndda, eyo kinaalloteemi tti yawi hiyaano naari mipingo dda Mulluku khaddinna makhallello mamodda ollapella.

1 Akorinto 4:15

Vawi naari murina ahuddihi 10,000 mu okumaanyu wa echikhulipililo, murina attiitthaanyu amoddave. Vawi mwa Khrisitu Yesu miyaano tti attiitthaanyu voowaana othenga waphaama wa nyuwaano.

Mateyu 25:23

Apwinnyaalle yaallota wi, ‘Woheera phaama, we mullupa mutteko aphaama ni oororomelleya, vawi waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Miyambo 13:17

Murummwa oohiroromelleya annaahiya athu mu ddookatamiha koma oororomelleya annachiriha.

Numeri 12:7

Koma ngeerille ddiiddo ni oorumeyellaaka Mose oyo akhanlle aaweheraka athwaaka attheene Aisraele.

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Mitteko 16:1

Paulo ni Sila yaaphiya o Derbe ni Listara, wenko yaamuphwanyawo oohuddera mmodda nnddina naye Timoteo. Amennyattho yaari ookhulupilila, yaarittho Muyuda nave attiitthinnya yaari Mugriki.*

1 Akorinto 4:14

Kinalembella ella wa nyuwaano ohiri kaambiiwa kuuwulliheni muru koma wi kuuhuddiheni wonanko muri anaaka ookondiwa.

1 Akorinto 11:34

Mmodda avolliwa ettalla anaphwanella wi ache owaniwa wi muhitembeleliwe ni Mulluku mwaatthukumanaka vamodda. Nave ddimoddannddo, kineerodditthopoollattho kawa.

2 Akorinto 8:18

Noomurumiha vamodda ni mwanamunnihu oyo anavahiwa olemu m'mipingoni ddittheddene ekaamba ya muttekwaaye woollalleya othenga waphaama.

Afilipi 2:22

Koma nyuwaano munnadduwella mmo oonihalleeye oreera waye, mmo olliye ni miyaano, nipharelleehu mutteko nimodda wonanko mwaana aamullopwana ni Attiitthinnya ekaamba ya othenga waphaama.

1 Timoteo 1:18

Timoteo, mwanaka, kinavelleella lamulonna wa weyaano moollikana ni mawu a yoollotelliwa khalle dda weyaano. Mawu yaayo yuukavihere owana ekhoto yaphaama,

Tito 1:5

Kahuuhiya o Krete wi otthopoolle ddeko ddennddo ddihinatthopoowe ni wi waatthoolle attekweene a mpingo* mu erive etawoni wonanko mmo kuulamulalleemi wi