16 Vano kinimuuvekani wi mukittakihere miyaano.
Naheera ddenndda ohiri kaambiiwa khaninna olamulello wooveka nikavihero nanyu koma wi nikhalle echisanzo ya nyuwaano wi muthwareke.
Asinnaka ni arokoraka kittakihekeni miyaano. Nave woonekeni ayo enathwara echisanzo yawoona eyo nuuvahilleeyeni.
Khallani ookittakihera miyaano wonanko miyaanottho kinamuttakiherelleemi Khrisitu.
Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.
Muwuupuwelleke oohoollellaanyu ayo yuuhuddihalleni dda othenga wa Mulluku. Muupuwelleke wi yakhalla mwawiidde. Mweeseeseke ottakihera echikhulupililo eyo yaariiwana.
Mweereke nnddo mwahuddenreenyu ni waakhella ovenyera mu mawaaka ni m'makhallellwaaka. Nave Mulluku oyo ananivaha murendelle akhalle ni nyuwaano.
Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.
