1 Akorinto 4:11 - Mawu a Mulluku

¹¹ Ophiyera enthawi yeella hiyaano ninnavolliwa ettalla ni nthona, ninnawara matapwata, ninnuukuthiwa nave khaninna vookhalla vaahuvaahu.

1 Akorinto 4:11 ပူးပေါင်းရင်းမြစ်များ

Aroma 8:35

Ttaani vano anaanimwallanihe ni echikondi ya Khrisitu? Ethiyo ddookatamiha apaalle ddoovoreya, ohoosiwa, ettalla, ohoowa, ddawoopopiha apaalle okhwa ttuuweera ddenndda?

Afilipi 4:12

Kinnadduwella okhalla oohoowa navettho okhalla ni ddawaata. Koohuddera yoovittheya yeella wi virive veko, enthawi ettheene kikhalleke ookwakhwanihiwa naari kivonille apaalle kivolliwe ettalla naari kirina ddawaata apaalle ddooyeva.

2 Timoteo 3:11

ddoohoosa ddaka ni ddookatamiha ddaka. Onnadduwella wi ddittheddenenndda ddaakeereyella o Antiyokeya,* o Ikonio ni o Listara. Kaavillella ddoohoosa nave Apwiya sika yakaakihalle miyaano.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

2 Akorinto 4:8

Ovenyera embali ddoohiyanahiyana ninnakatamihiwa koma oohinyingallelliwa, ninnakayikihiwa koma khaninatathilla murima.

1 Akorinto 9:4

Miyaano nginaphwanella ovahiwa yoocha ni yoowirya ekaamba ya muttekwaaka?

Mitteko 23:2

Vano mullupa mukutho muullupalli nnddina naye Ananiya* ahalamulella ayo yiimenlle vakhuviru ni Paulooyo wi emuukuthe owanoni waye.

Mitteko 16:23

Yamallihalliiwa owuukutha wunchichi, yahaahiya mundende. Navettho oowehera a mundendemmo aalamuliwa wi allipihe waamakanko.

Mitteko 14:19

Ayuda amodda yavenyenre o Antiyokeya ni o Ikonio, yahaakopa athwaalle wi ekhalle ni alliwa. Yaamuvokha malluku Paulo emupurullella otte wa muzindooyo vawi yaganiza wi ookhwa.

Yobu 22:6

Waawatihera nivuddo abalaawo wi evelleelle echikole, waawaakha ddoowara ddiwa waahiya epwillimwinddive.

2 Akorinto 11:20

Munnamwaakhullella arive muthu anuuhoosani apaalle wuuchellani ddaanyu apaalle anuullekani apaalle anuuvevullani apaalle anawuukuthani owiitthoni.