1 Akorinto 4:10 - Mawu a Mulluku

¹⁰ Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

1 Akorinto 4:10 ပူးပေါင်းရင်းမြစ်များ

1 Akorinto 2:3

Sika kawiilleemi wa nyuwaano, kaari oofooka ni ootthukumella ni woova,

Mitteko 26:24

Paulo allotilleeye mowiiteteza ddiidda, Fesito aakhuwa wi, “Paulo, wookhalla ni anepa wene! Ohuddera wawonko wohuusavulla!”

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

2 Akorinto 11:29

Muthu mmodda afooka miyaanottho kinnafooka, muthu mmodda achimwa, kinnaddalliwa ni ethakaraka.

2 Akorinto 11:19

Vawi nyuwaano muri eezeru munnaavillella ookarangeya moohakallalla!

2 Akorinto 10:10

Vawi amodda enallota wi, “Makalata a Paulo tti amasiva ni oowalli. Koma akhalla ni hiyaano, anakhalla oofooka nave mawaaye tti oohikhalla ni mutteko.”

1 Akorinto 10:12

Ayo eneesa ahiimella moollipa, enaphwanella echenjere wi ehiikuhe.

1 Akorinto 4:8

Ethiyo mookhallana khalle erive ello munapaalleenyu? Ethiyo vano muri eeyuuma? Ethiyo mookhalla mamwene vano naari hiyaano nihinakhallevo? Ddaawerokhalla phaama mwaakhanlleke mamwene wi hiyaanottho nikhalle mamwene ni nyuwaano.

1 Akorinto 3:2

Kahuuwiryihani mukaka, ohiri wuuchihani ddoollipa kaambiiwa khamwaaworille ocha. Nave naari vano khamuwora ocha,

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Luka 18:9

Yesu ahaalleella niphwanaphwaniho athu ayo yiikhulupilila weekhiiwa wi tti oolungama yaavevullaka athu attheene.

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

Mateyu 5:11

“Muri oodalisiwa athu yaawuunyaambusakani, yaawuuhoosakani nave yaawuullotellakani mwawoottha ddoonanara ddittheddene kaambiiwa nyuwaano tti oohudderaaka.

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Miyambo 11:12

Owaayeviha akhwaaye annarama ezeru koma awiiwesesa annamaalleya.

2 Mamwene 9:11

Vano Yehu ahokollweelle wa oohoollella akhwaayaalle, yaamukoha wi, “Ethiyo tti waphaama? Mullupaanepoolle aasha tini wa nyuwaano?” Olliye ahaakhulla wi, “Munnamudduwella muthoolle ni ddoollota ddaye ddene.”

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

1 Akorinto 1:25

Vawi naari ello ya Mulluku eyo enooneya wi tti yookarangeya, tti ya ezeru ohiyana ni ezeru ya athu. Naari ello ya Mulluku eyo enooneya wi tti yoofooka, tti yamasiva ohiyana ni masiva a athu.

2 Akorinto 6:8

Ninnavahiwa olemu ni onyaambusiwa ninnallotelliwa epewe ni othokoziwa. Ninnooniwa wonanko awoottha naari nillotaka ddawoona.

2 Akorinto 4:12

Hiyaano nahaakhullella woopopihiwa ni okhwa wi nyuwaano mukhalle ni okumi.