1 Akorinto 3:9 - Mawu a Mulluku

⁹ Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

1 Akorinto 3:9 ပူးပေါင်းရင်းမြစ်များ

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

1 Akorinto 3:16

Ethiyo khamunadduwella wi nyuwaano tti enyumba ya Mulluku nave Munepa a Mulluku onakhalla mwa nyuwaano?

Mariko 16:20

Oohuddera yaavenya enallalleya virive veko. Nave Apwiya yaapharana mutteko vamodda nave yaanasimikizella ddoollalleya ddiwa wi tti ddawoona vaweerani ddoottikhiniha.] [

Mateyu 9:37

Vano ahaalleella oohudderaaye wi, “Ddoohata ddohaatesa koma allupa mutteko tti ooyeva.

Yesaya 61:11

Wonanko mmo ethaya enamellihelliiwa mmiddo navettho wonanko mmo emata enunnuwihelliiwa ddawaalla, emoddamoddave yeeyo Apwiya Mulluku eneereweera echilungamo ni ntitimiho niwa vamiitthoni va athu attheene.

1 Akorinto 3:6

Miyaano kaamidda mmiddo, Apolo aahellella maaddi nave tti Mulluku eerihalle ddoomella wi ddunnuwe.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.

Mitteko 4:11

Dda Yesooyo mawu a Mulluku enallota wi, ‘Nlluku nno nakhootiwe ni oomaka enyumba nenna naakhalla nlluku noopaalleya.’

3 Yohane 1:8

Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Yeremiya 2:21

We Israele, kaawaallave wonanko mpesa wootthoolliwa, waari mpesa waphaama wunchichi. Vano otthattuwelle tini mpesa woohikhalla ni mutteko, wookhalla wonanko wamuhakani?

Masalimo 118:22

Nlluku nno nakhootiwe ni oomaka enyumba nenna naakhalla nlluku noopaalleya.

Masalimo 72:16

Mu ellapo mukhalle yoocha yinchichi, vaddullu va mwaango vikhallettho ddeko. Ezipaso ddaye ddikhalle ddinchichi wonanko dda o Lebanoni. Athwaaye yaate m'mizindanimmo wonanko manasi amuhakani.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Yesaya 61:5

Alleto eneerekewuurumeyellani, eneerekochiha eziweto ddanyu, eneerekollima emata ddanyu navettho emata ddanyu ddampesa.

Yesaya 32:20

Oodalisiwa tti nyu vawi muneerekomidda mukhwipi mwa mihinje nave abulu ni eng'ombe ddanyu ddineerekocha virive veko.

Miyambo 9:1

Ezeru yoomaka enyumbiiwa nave yohaatthipella apotwiiwa atthanu ni eelli.

Mateyu 15:13

Yesu ahaakhulla wi, “Afarisaalle tti wonanko ddoomella ddoohaalliwa nave Attiitthaaka ooddullu eneeromutulla arive muthu a yaayo.