1 Akorinto 3:5 - Mawu a Mulluku

⁵ Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.

1 Akorinto 3:5 ပူးပေါင်းရင်းမြစ်များ

2 Akorinto 6:4

Koma mu erive ello ninooniha wi niri oorumeyella a Mulluku. Vawi ninnavillella ddookhupanyiha, ddoohoosa, ddookatamiha,

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

2 Akorinto 3:3

Nyuwaano muri wonanko kalata oolembiwa ni Khrisitu oorumihiwa ni hiyaano. Khalembiwe ni inki apaalle owakiwa vamallukuni koma ni Munepa a Mulluku a Okumi m'mirimani dda athu.

1 Akorinto 3:10

Moollikana ni echisomo kaavahiweemi ni Mulluku, kaaphara mutteko woomaka phaama nave kaakeraatthiha matthipello nave muthu mmodda animamakavo. Nave arive muthu achenjere ni mamakellwaaye.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

1 Akorinto 9:17

Kapharaka mutteko moopaalla mwaka, vano keerekopaalla ollivelliwa. Koma kaapharaka mutteko woohikhalla ekaamba ya opaalla waka sika wi muttekooyo tti odindo oyo Apwiya yakivalliiwa.

1 Akorinto 3:7

Oomidda naari oohellella maaddi tti oohipaalleya. Tti Mulluku ari oopaalleya kaambiiwa anneeriha ddoomellannddo wi ddunnuwe.

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Luka 1:2

Yatotenlle ddeko ddennddo nalleelliweehu ni amboni ayo yoonille ddeereyaka vawaambeella ni oollalleya awaamba a othenga waphaama.

Mateyu 25:15

Aamuvaha arive muthu moollikana ni ezeru ddaye. Mmodda aamuvaha makobiri matthanu ni mmodda meelli ni mmoddattho nimodda. Vano aatimulla va olendwaaye.

Akolose 1:25

Nave koheeriwa oorumeyella a mpingo ni Mulluku oyo aakivahille mutteko yoolla wi kiphare variyari vanyu. Yoolla tti mutteko woollalleya othengaaye muttheene,

Aefeso 3:7

Kaheeriwa oorumeyella othenga waphaama moollikana ni emphaso ya echisomo ya Mulluku, aakivahilleeye oweella mwa mutteko wa masivaaye mwa miyaano.

Mitteko 18:24

Enthawi yeeyo Muyuda mmodda nnddina naye Apolo, oyo ayariwe o Alekizandriya, aawa o Efeso. Aari muthu oodduwella ollota phaama navettho aari oodduwella mawu a Mulluku.

Mitteko 19:1

Apolo aariiye o Korinto, Paulo aheeta vamutundani oweella ezigawo ddimodda aphiya o Efeso. Wenko ahaaphwanyawo oohuddera amodda.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

1 Akorinto 3:22

Paulo, Apolo ni Petro; ellapo yavatthi ella, okumi ni okhwa, ddamuttano ni ddamuhoollo, ddittheddenenndda tti ddaanyu,

1 Akorinto 16:12

Vano dda munnihu Apolo, kaanamullipiha murima wunchichi wi awe owaninyunko ni ookhulupilila amodda koma olliye khaapanlle wi awe veneva. Nave aneeroowa akhalla ni enthawi.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,