1 Akorinto 3:3 - Mawu a Mulluku

³ kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

1 Akorinto 3:3 ပူးပေါင်းရင်းမြစ်များ

Yakobo 3:16

Vawi vano vakhalla ehache ni wiikonda, vinnakhallattho waanganyereya ni ddoonanara ddoohiyanahiyana.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

1 Akorinto 11:18

Vawaamba, koolleelliwa wi vookhalla okawaneya mumpingoni mwanyu mwaatthukumanaka nave vang'onove kinnoona wi tti ddawoona.

1 Akorinto 1:11

Vawi athu amodda a mu nibanja na Koloe aakilleella wi vookhalla okangana variyari vanyu, asinnakanyu ni arokorakanyu.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

Hoseya 6:7

Koma athwaayo aatathilla echipanganwaaka wonanko mmo eerelle Adamu. Sika yaakeerella ddoohiroromelleya.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

1 Akorinto 3:4

Mmodda a nyuwaano allota wi, “Mi tti a Paulo.” Nave mmodda allota wi, “Mi tti a Apolo,” khamunakhalla wonanko athu a va ellapo yavatthi ella?