1 Akorinto 3:23 - Mawu a Mulluku

²³ nave nyuwaano tti a Khrisitu nave Khrisitu tti a Mulluku.

1 Akorinto 3:23 ပူးပေါင်းရင်းမြစ်များ

Agalatiya 3:29

Mwaarimi muri mwa Khrisitu, sika nyuwaano tti edduullu dda Abrahamu nave muneerewaakhella eyo Mulluku alonjezilleeye.

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

2 Akorinto 10:7

Onani ddawoona ddiwa. Aarimi arivo muthu anasimikiza wi tti aaye a Khrisitu, olliyooyo iimolleelle yeekha? Vawi hiyaanottho niri aaye a Khrisitu wonanko olliyooyo.

Aroma 14:8

Nakhalla akumi, ninakhalla akumi wi naarumeyelleke Apwiya nave nakhwa ninakhwa wi naarumeyelleke Apwiya. Sika nakhalla akumi apaalle nakhwa niri a Apwiya.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

1 Akorinto 7:22

Vawi kaporo oyo iithaniwe ni Apwiya tti oottaphulliwa vamiitthoni va Apwiya; emoddamoddave yeeyo muthu oyo ahiri kaporo iithaniwe ni Khrisitu tti kaporwaaye.

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

1 Akorinto 15:28

Nave ddeko ddittheddene ddineerohiyiwa m'mattani mwa mwaana, Khrisitu, vano mwaanooyo aneerewiivelleella m'mattani mwa Mulluku, oyo ahiyalle ddeko ddittheddene m'mattani mwa mwaana wi Mullukuve aalamulelle athu attheene.