1 Akorinto 3:18 - Mawu a Mulluku

¹⁸ Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

1 Akorinto 3:18 ပူးပေါင်းရင်းမြစ်များ

Miyambo 3:5

Aroromelle Apwiya ni murimaawo muttheene. Ohinaroromellaka nnddo onaganizeewe wi onnadduwella.

Yesaya 5:21

Otulli wa athu ayo enaddeesa wi tti eezeru ni oochenjeresesa.

Agalatiya 6:3

Vawi mmodda aaganizaka wi olliye tti oopaalleya koma ahiri oopaalleya, aniilleka yeekhaaye.

Yakobo 1:22

Iwellellani ni weera mawaaye, muhiilleke nyookha vawiiwanive mawaayo.

Luka 18:17

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Mateyu 18:4

Vano oyo aniiyeviha yeekhaaye wonanko mwaanoolla sika ari muullupalli mu omwene wa Mulluku.

Mariko 10:15

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Yakobo 1:26

Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

Yeremiya 8:8

Munaallote mwawiidde wi muri eezeru nave wi mookhalla ni malamulwaaka? Ngoonani vawi malamulwaayo aasinthiwa ni alembi awoottha.

Miyambo 26:12

Ethiyo woomoona muthu oyo anaddeesa eezeru? Muthu ookarangeya ookhalla etiyerello omukhwaranya yooyo.

Miyambo 3:7

Ohinaddoonaka wonanko muthu eezeru koma owooveke Apwiya nave ohiye ddoonanara.

1 Yohane 1:8

Nallota wi khaninna machimo, niniilleka weekhiihu nave mwa hiyaano yawoona kheyaamo.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

Agalatiya 6:7

Muhiilleke weekhiinyu, khaavo muthu anamoottotthe Mulluku. Athu eneerohata ddennddove yamiddalliiwa.

1 Akorinto 15:33

Muhillekiwe. “Waattana ni athu oonanara onnoononga makhallello aphaama.”

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Yesaya 44:20

Muthooyo anakhalla wonanko anacha ntuura, maganizwaaye ookarangeya ennamuhollosa wawi khaworattho ovullusa okumaaye. Khaworattho wiikoha yeekha wi, “Ethiyo ello eri m'mattani mwakammu khehiyo yawoottha?”

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Luka 21:8

Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware.

Miyambo 5:7

Anaaka, kiiwellelleni nave muhitiwalle mawu a muwano mwaka.

Yeremiya 37:9

Mi Apwiya kinuuchenjezani wi muhiillekeke vooganizani wi Ababiloni eneerovenyawo ni wuuhiyani vawi khevenyawo.

Mateyu 13:22

Mmiddo wamorenlle variyari va miiwa onaphwanaphwana ni athu ayo eniiwa othenga. Koma kaambiiwa ennaviheeriwa ni dda va ellapo ni okonda eyuuma, othengooyo onnakhuneelliwa sika khoniimma ezipaso.

1 Akorinto 3:17

Sika muthu oononga enyumba ya Mulluku, Mulluku aneeromoononga olliye. Vawi enyumba ya Mulluku tti ya weella nave nyuwaano tti enyumbaaye.