1 Akorinto 3:16 - Mawu a Mulluku

¹⁶ Ethiyo khamunadduwella wi nyuwaano tti enyumba ya Mulluku nave Munepa a Mulluku onakhalla mwa nyuwaano?

1 Akorinto 3:16 ပူးပေါင်းရင်းမြစ်များ

1 Akorinto 6:19

Ethiyo khamunadduwella wi mwiillaanyu tti enyumba ya Munepa Waweella oyo anakhalla mwa nyuwaano navettho aavahiwe wa nyuwaano ni Mulluku? Khamunakhalla a nyuwaano weekhiinyu.

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

Yohane 14:17

Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

Aroma 8:9

Koma nyuwaano khamunakhalla moollikana ni omuthwaanyu koma munakhalla moollikana ni Munepa, Munepa a Mulluku aari akhallaka mwa nyuwaano. Muthu oyo ahinna Munepa a Khrisitu khanakhalla a olliye.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

2 Timoteo 1:14

Osunge phaama ddawoona nnddo yawinnyereewe mwa Munepa Waweella oyo onakhalla mwa hiyaano.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Yohane 4:12

Khaavo muthu amoonille Mulluku. Koma naakondanaka, Mulluku annakhalla mu eyaattano ni hiyaano nave echikondaaye ndithu ennakhalla mwa hiyaano.

Aroma 6:3

Ddawoona munnadduwella wi naabatiziweehu valle mu eyaattano ni Khrisitu Yesu, naabatiziwe mu eyaattano ni okhwa waye.

1 Akorinto 9:24

Ethiyo khamunadduwella wi va mpikisano woothamaka athu anchichi ennathamakana koma mmoddave sika anathuviwa. Sika vano thamakakani phaama wi mwathuviwe.

1 Akorinto 9:13

Khamunadduwella wi athu enaphara mutteko mu enyumba ya Mulluku enaphwanya yoocha ovenyera mu enyumba ya Mulluku yeeyo nave allupa mukutho enaakhellana dda mukuthooyo.

1 Akorinto 6:9

Ethiyo khamunadduwella wi athu aweera ddoonanara kheyaakhella omwene wa Mulluku? Muhiddoottotthe weekhiinyu! Ooraruwa apaalle oollapella mafano apaalle ookonana ni allopwana akhwiiwa

1 Akorinto 6:16

Apaalle khamunadduwella wi muthu oyo anakona ni mutthiyana ooraruwa ennatthattuwa mwiilli mmodda? Mawu a Mulluku enallota wi, “Eellaayo eneerokhalla mwiilli mmodda.”

1 Akorinto 5:6

Kheyaphaama wi nyuwaano mwiitukhulleke! Ethiyo khamunadduwella wi, “Yisiti ooyeva annamufufumiha buledi muttheene”

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

1 Akorinto 3:17

Sika muthu oononga enyumba ya Mulluku, Mulluku aneeromoononga olliye. Vawi enyumba ya Mulluku tti ya weella nave nyuwaano tti enyumbaaye.

1 Timoteo 3:15

Nave kaselliwa, kalatoolla aneeroowoonihani mmo muthu anaphwanelleeye okhallella mu enyumba ya Mulluku, eyo eri mpingo wookumi, opoto ni matthipello a yawoona.