1 Akorinto 3:12 - Mawu a Mulluku

¹² Amodda ennamaka vamatthipellonimvo ni golide apaalle siliva apaalle malluku oowallamella mutengo; amodda ennamaka vamatthipellonimvo ni miteekho apaalle ni manasi apaalle mittatthi.

1 Akorinto 3:12 ပူးပေါင်းရင်းမြစ်များ

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

2 Timoteo 3:7

Atthiyanaalla enneeseesa ohuddera erive enthawi koma khenawora odduwella yawoona.

2 Timoteo 2:20

Mu enyumba yuullupalli khamunakhalla ddookusella dda golideve ni silivave komattho munnakhalla dda muteekho ni dda ethaya. Ddimodda ddinapharihiwa mutteko woopaalleya, ddimodda mutteko washisha.

Yawuupullulla 21:18

Esiri yaari yoomakiwa ni malluku a yasipi, muzindooyo waari woomakiwa ni golide awooneella wonanko nigalasi.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Masalimo 119:72

Malamulo avayanoni vanyu ennakiddivella okhwaranya golide ni siliva.

Masalimo 19:10

Ddenndda tti ddoopaalleya omukhwaranya golide, naari golide aphaama. Tti ddoonang'aneya okhwaranya enwi, ddoondonya ovenyera m'makallaphani mwiwa.

Yawuupullulla 2:14

Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

1 Timoteo 6:3

Muthu ahuddiha ddoohiyana ni ddenndda ni ohiiwanana ni mawu awoona a Apwiihu Yesu Khrisitu ni ehuddiho ya echikhulupililwaahu,

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

Mitteko 20:30

Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Yesaya 60:17

Kineerewuuvaha golide munipuroni mwa bronzi, siliva munipuroni mwa mukoko, bronzi munipuroni mwa muteekho, mukoko munipuroni mwa nlluku. Awuuwehera kineerewaatthattusa amurendelle, awuulamulella kineerewaatthattusa oolungama.

Miyambo 30:6

Ohoonjerere ello va mawaaye, ttuuwuuhumullulla ni owooniha wi ori awoottha.

Miyambo 16:16

Ophwanya ezeru tti waphaama okhwaranya omuphwanya golide nave ophwanya wiiwesesa tti waphaama okhwaranya omuphwanya siliva.

Miyambo 8:10

Akhellani malangizwaaka okhwaranya siliva, odduwella okhwaranya golide aphaama wunchichi.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

1 Akorinto 3:11

Vawi Mulluku oomuhiyavo khalle Yesu Khrisitu okhalla matthipello yaayove nave matthipello mamodda khekeraatthihiwa.

1 Akorinto 3:13

Nave oreera wa mutteko wa arive muthu oneerewuupullulliwa va nllapo na echiweruzo vawi nllaponno nineerophiya ni munllo nave munllooyo sika onaalinge mitteko dda arive muthu.

Eksodo 5:12

Sika athwaalle yaamwareya mu ellapo ettheene ya Iguputo waashaasha manasaayo ni mapallakeene.