1 Akorinto 2:7 - Mawu a Mulluku

⁷ Ezeru kinalloteemi tti dda Mulluku ddookhuweya nnddo atthoollelleeye ntitimiho nahu ellapo yavatthi ehinaphatusiwe.

1 Akorinto 2:7 ပူးပေါင်းရင်းမြစ်များ

2 Petro 1:3

Masiva a Mulluku aanivaha hiyaano erive ello ninapaalleehu wi nikhalleke ni makhallello ookhulupilila oweella mu omudduwella oyo aaniithanille wi nikawanena mu ntitimiho naye nave mu ddaphaama ddaye.

Mateyu 13:35

Aheera nndda wi ddikwakhwanelle nnddo allotille namallotella Yesaya wi, “Kineerophariha mutteko maphwanaphwaniho kaallotaka. Kineerewaalleella ddeko ddoovittheya waambeella va ophatuwa wa ellapo yavatthi.”

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Masalimo 78:2

Kineerewuutthopoollellani niphwanaphwaniho. Kineerollota dda ddeko ddoovittheya ddakhallekhalle,

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Aroma 8:30

Nave ayo yatthoolliwe ni Mulluku, aawiithana nave awiithaniwaayo, ahaalungamiha nave ahaavaha ntitimiho naye.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

1 Akorinto 2:1

Asinnaka ni arokoraka, kawiilleemi wa nyuwaano wi killalleye yookhuweya yawoona ya Mulluku, ngaallotille wonanko muthu aruso ni oodduwella dduullupalli.

Aefeso 3:10

wi va enthawi yeella, oweella mu mpingo, oolamulella ni masiva ooddullu edduwelle dda ezeru ddaye ddoohiyanahiyana.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Aheberi 11:3

Ekaamba yawi nookhalla ni echikhulupililo, ninniwesesa wi ddeko ddittheddene dda va ellapo yavattheella ddaphatusiwe ni mawu a Mulluku, sika wi ddeko ninooneehu ddaphatusiwe ovenyera o ddeko ddoohooneya.