1 Akorinto 2:14 - Mawu a Mulluku

¹⁴ Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

1 Akorinto 2:14 ပူးပေါင်းရင်းမြစ်များ

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Akorinto 15:46

Khe yamunepa enawa vawaamba koma yoomuthu nave vatulli viwa yamunepa.

Yuda 1:19

Athu yaalla tti ayo enaambiha okawaneya, enathwara ddeko ddoonanara dda vatthimva nave khenna Munepa Waweella.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Akorinto 15:44

Onamiddiwa ori mwiilli woomuthu koma onavenyihiwa ori mwiilli wamunepa. Vawi vookhalla mwiilli woomuthu, sika vookhallattho mwiilli wamunepa.

1 Akorinto 2:12

Hiyaano khanaawakhenlle munepa wa ellapo yavattheella koma naakhenlle Munepa woorumihiwa ni Mulluku wi nidduwelle ddittheddene Mulluku anivahilleeye.

Miyambo 14:6

Oovevulla annaashaasha ezeru oohiyiphwanya koma tti yookhweya wa awiiwesesa.

Yohane 12:37

Naari enre ddoottikhiniha ddinchichi wa athwaayo, kheyaamukhulupililalle olliyooyo,

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Yohane 8:43

Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Mitteko 25:19

Yallotilliiwa ddittheddene ddaari ddamallapellwiiwa nave dda muthu nnddina naye Yesu akhwilloolle koma Paulooyo anallota wi tti mukumi.

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Mitteko 18:15

Koma kaambiiwa mwaha yoolla tti wa mawuve ni manddina owaakattho malamulwaanyu, nyeene sika munaphwanella wi mweeruze. Miyaano ngikhalla aweeruza ddeko ddenndda!”

Mitteko 17:32

Yamwiiwalliiwa Paulo allotaka dda ovenya wa ookhwa, amodda yaamuttheya koma amodda yaallota wi, “Ninapaalla wi muwe wi munilleellettho dda ddenndda.”

Yohane 10:20

Anchichi mwa yaayo yaallota wi, “Yoolla ookhalla ni munepa woonanara nave tti mullupaanepa. Munamwiiwellellella tini?”

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Yohane 14:17

Yoolla tti Munepa a yawoona. Ellapo yavatthi khewora omwaakhella kaambiiwa athu a mu ellapo yavatthi khenamoona apaalle omudduwella. Koma nyuwaano munnamudduwella kaambiiwa ari ni nyuwaano nave anakhalla mwa nyuwaano.

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.

1 Akorinto 1:25

Vawi naari ello ya Mulluku eyo enooneya wi tti yookarangeya, tti ya ezeru ohiyana ni ezeru ya athu. Naari ello ya Mulluku eyo enooneya wi tti yoofooka, tti yamasiva ohiyana ni masiva a athu.

1 Akorinto 3:1

Ollota ddawoona, asinnaka ni arokoraka ngaaworille ollota ni nyuwaano wonanko mmo kinalloteemi ni athu ookhalla ni Munepa. Koma kaaphwanella ollota ni nyuwaano wonanko athu a ellapo yavatthimva, wonanko anamwani mu echikhulupililo ya Khrisitu.