1 Akorinto 2:13 - Mawu a Mulluku

¹³ Sika vano khenallota ddenndda mu mawu oohuddihiwa ni ezeru dda athu koma ni mawu oohuddihiwa ni Munepa vawi ninnatthopoolla ddawoona dda munepa wa ayo erina Munepa.

1 Akorinto 2:13 ပူးပေါင်းရင်းမြစ်များ

1 Akorinto 2:4

nave ohuddiha waka ni othengaaka ngawuuvellelle ni mawu ootthopoowa eezeru dda muthu koma ni woonihella wa masiva a Munepa a Mulluku.

1 Akorinto 2:14

Oyo ahinna Munepa khawora waakhella emphaso ddoovenyera wa Munepa a Mulluku. Athu yaayo kheniiwesesa emphasonnddo, khaddinna mutteko wa alliwaayo kaambiiwa oreera wiwa onadduwanyeya mwa Munepa Waweella.

1 Akorinto 1:17

Khrisitu khaakirumalle miyaano wi kibatize. Koma aakirumalle wi killalleye othenga waphaama moohipharihani mutteko mawu eezeru manchichi wi okhwa wa Khrisitu vamutandani ovirellelle okhalla ni masiva.

1 Akorinto 2:1

Asinnaka ni arokoraka, kawiilleemi wa nyuwaano wi killalleye yookhuweya yawoona ya Mulluku, ngaallotille wonanko muthu aruso ni oodduwella dduullupalli.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

Aefeso 5:19

Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Akorinto 14:2

Ayo enallota ellotello ddoohidduwanyeya* khenallota wa athu amodda koma wa Mulluku kaambiiwa khaavo muthu anawiiwesesa. Munepa Waweella sika anaallotiha ddookhuweya.

1 Akorinto 9:11

Noomidda mmiddo wa munepa variyari vanyu voollalleyani. Ethiyo tti ello yoohikhalla phaama nahata ddeko ddoopaalleya mu okumaahu ovenyera wa nyuwaano?

Luka 12:12

Vawi Munepa Waweella sika anaawuuhuddiheni yoophwanella ollota enthawi yeeyo.”

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.