1 Akorinto 2:10 - Mawu a Mulluku

¹⁰ Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

1 Akorinto 2:10 ပူးပေါင်းရင်းမြစ်များ

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Aefeso 3:5

Khalle yoovittheya yeella kheyaadduwellihiwe wa athu koma vano Mulluku ohuupullulla wa amurummwa ni anamallotellaaye aweella oweella mwa Munepa.

Luka 10:21

Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,

Agalatiya 1:12

Ngaawakhenlle ovenyera wa arive muthu nave khaavo naari aakihuddihalle. Koma Yesu Khrisitu yeekhaaye sika uupullullalle wa miyaano.

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Akorinto 2:11

Tti munepa wa athu onadduwella ddittheddene dda yaayo, emoddamoddave yeeyo tti Munepave wa Mulluku onadduwella ddittheddene dda Mulluku.

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Yobu 12:22

Annuupullulla ddawiipittheya mwiipiphini, annatthattusa epiphi owala.

1 Yohane 2:20

Nave nyuwaano mwaakhalla ni Munepa Waweella woohelliwa va nyuwaano ni Khrisitu sika attheenenyu munnadduwella yawoona.

1 Akorinto 14:30

Koma mmodda arina va mutthukumanooyo aakhella othenga woovenyera wa Mulluku, oyo anallotooyo amaalle.

Luka 2:26

Nave Munepa Waweellooyo aamuwululella wi khakhwa ophiyera amonne Mesiya* oovenyera wa Apwiya.

Daniele 2:22

Annuupullulla ddeko ddoowallamella ni ddawiipittheya, annadduwella ddamwiipiphini, owala onakhalla ni olliye.

Yesaya 48:16

Vano Waani vakhuviru, iwani nnddo kineereemi killote. Ovenyera vawaamba ngaallotille vaweella, enthawi eyo ddennddo ddeereyiiwa, miyaano sika kiri vaavo.” Sika vano Apwiya Mulluku Amasiva Mattheene aakiruma moohoollelliwa ni munepiiwa.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

Yawuupullulla 2:24

“Koma wa athu amodda o Tiyatira ayo ehinathwara ehuddiho yoonanareella nave ayo yahihuddenre nnddo amodda enaddiromolliiwa wi ‘ddeko ddoovittheya ddoovenyera wa Satana.’ Kinimuulleellani wi nguullemellihani ni malamulo mamodda.