1 Akorinto 16:9 - Mawu a Mulluku

⁹ Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

1 Akorinto 16:9 ပူးပေါင်းရင်းမြစ်များ

2 Akorinto 2:12

Kaphiyalleemi o muzinda wa Troasi wi kallalleye othenga waphaama wa Khrisitu, Apwiya yaari ehullalle khalle mullako wa mutteko wenko.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Afilipi 3:18

Kahuulleellani yeella khalle enthawi ddinchichi, vano kinnuulluulla yeella moowinlla. Athu anchichi enakhalla wonanko adani a okhwa wa Khrisitu vamutandani.

1 Akorinto 15:32

Moollikana ni oganiza wa athu, yoowanella ni enama ddamuhakani wonanko keerelleemi wa Efeso tti tini? Nave athu ookhwa yaarimi ehivenyihiwe vano hankoni neere wonanko mmo athu enallotelliiwa wi, “Hankoni niche nave niwirye vawi osiisello nineerokhwa.”

2 Akorinto 1:6

Ninnahoowa wi mukhurumusiwe murima nave muvullusiwe. Hiyaano naakhurumusiwa murima, nyuwaano muneerokhurumusiwattho murima ni ovahiwa masiva oovillella ddoohoosa nnddottho ninavillelleehu.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.