1 Akorinto 16:16 - Mawu a Mulluku

¹⁶ wi mwiiwellelleke olamulello wa athu wonanko yaalla ni arive muthu oyo anaphara mutteko ni orumeyella ni alliwaayo.

1 Akorinto 16:16 ပူးပေါင်းရင်းမြစ်များ

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

1 Atesalonika 5:12

Asinnihu ni arokorihu, ninuuvekani wi mwaavaheke olemu ayo enaphara mutteko variyari vanyu vawuuhoollellani ni vawuuhuddihani ettilla ya Apwiya.

3 Yohane 1:8

Sika, hiyaano ookhulupilila ninaphwanella waakavihera athu yaalla wi niphareke mutteko nimodda voovuwihani yawoona.

Yawuupullulla 2:3

Munnavillella, moohoowa ekaamba ya miyaano koma khamukihiyalle.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

1 Akorinto 3:9

Vawi hiyaano tti allupa mutteko akhwaaye a Mulluku nave nyuwaano tti emata ya Mulluku. Nyuwaanottho tti enyumba ya Mulluku.

Aroma 16:12

Mooni wa Trifena ni Trifosa ayo enaarumeyella Apwiya. Moonittho wa Perisi, mukhwaaka kinamukondeemi oyo allipihenlle ophara mutteko mwawaarumeyella Apwiya.

Aroma 16:9

Mumuvahe mooni Urbano, oorumeyella oororomelleya mukhwiihu mu eyaattano ni Khrisitu. Navettho mooni wa Stakisi, mukhwaaka kinamukondeemi.

Aroma 16:6

Mooni wa Mariya, oyo aallipihenlle ophara mutteko variyari vanyu.

Aroma 16:3

Mukivelleellelle mooni wa Prisika ni Akwila allupa mutteko akhwaaka voomurumeyella Khrisitu Yesu,

1 Epilli 12:18

Vaavo Munepa a Mulluku aamukitthella Amasai, oohoollella athu makhumi mararwaalle nave aallota wi, “Nyu Davide, hiyaanothi niri aanyu, niri nimodda ni nyu mwaana a Yese. Murendelle okhalle ni nyuwaano ni athu ayo enuukaviherani vawi Mullukwaanyu annuukaviherani.” Vano Davide aawaakhella nave ahaatthattusa oohoollella a milloko ddaye ddakhoto.

Oollalleya 1:3

Ethiyo muthu ttuuphura tini ni mitteko ddootopiha anaphareeye vatthimva?

Aheberi 13:24

Mukivelleellelle mooni wa awuuhollellani attheene ni wa athu attheene a Mulluku. Asinninyu ni arokorinyu o Italiya eni mooni.