1 Akorinto 15:52 - Mawu a Mulluku

⁵² mu enthawi yooyeva, mwawaakuva wonanko ominyalla wa niittho nipallapata noomalliha noopiwa. Vano athu ookhwa eneerovenyihiwa ni mwiilli woohimalla, hiyaanottho nineerotthattusiwa.

1 Akorinto 15:52 ပူးပေါင်းရင်းမြစ်များ

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Yohane 5:28

Muhittikhine ni ddenndda, enthawi enimawa yawi ookhwa attheene eneerewiiwa okhuwa waka.

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

1 Akorinto 15:42

Ddinaakhalle mwawi ddiidda athu ookhwa yavenyihiwa. Mwiilli oyo onamiddiwa voovitthiwani, onnuunta koma wavenyihiwa khokhalla wawunta.

Zekariya 9:14

Vano Apwiya eneerowooneyella athwiiwa, eneerovokha miira ddiwa wonanko ettari. Apwiya Mulluku Amasiva Mattheene eneerewoopa nipallapata, eneereweeta mu namangalle oomwera.

Yawuupullulla 8:13

Vano kaaweha nave kahiiwa mawu oollotiwa moowella ni epallame ya mpungu eyo yavava muddullu wi, “Otulli! Otulli! Ootulli tti athu attheene enakhalla va ellapo yavatthi vawi angelo araru ehanllaalle eri vakhuviru woopa mapallapatiiwa!”

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

Yawuupullulla 8:2

Nave kaawoona angelo atthanu ni eelli ayo yiimenlle vamiitthoni va Mulluku nave yaavahiwa mapallapata matthanu ni meelli.

Ezekiele 33:6

Koma mulonda oona wi adani enimawa, ahiipa nipallapata waachenjeza athu nave yamwiipha muthu mmodda naari muthooyo akhwenlle machimwaaye, nikhame ninaakhalle va muru va mulondooyo ekaamba ya okhwa wa muthooyo.

Yesaya 18:3

Nyu athu attheene a va ellapo yavatthi ni nyu ookeraattheya va ellapo yavattheella, voowellihiwani embendela vaddullu va mwaango muneerewoona nave vawoopiwani nipallapata muneerewiiwa.

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Ezekiele 33:3

Olliye awoona adani ewaaka, anniipa nipallapata waachenjeza athu.

Masalimo 73:19

Eneerewoonongeya va enthawi yooyeva, eneeromalla moorurumusa.

Eksodo 20:18

Athu attheene yaaniiwa ogugudeya wa murimu ni winlla wa nipallapata, nngu yoonaka ettari ni mwiisi vamwaangonimvo nave yaanoova enatthukumella, yiimellille voorekamella

Numeri 10:4

Koma niipiwa nimoddave, oohoollella a malloko a Aisraele sika enaatthukumaneke ni weyaano.

Eksodo 33:5

Sika Apwiya yaari emulleellille Mose wi, “Alleelle Aisraelaayo wi, ‘Nyu tti athu awumma murima. Kathaananilleke ni nyuwaano naari va enthawi yooyeva, ddaano kiwoonongilleni attheene. Vano rullani ddawiireerihana ddanyu nave kineerewoona yawi kiweereni.’ ”

Numeri 16:45

“Venyanivoni variyari va mulloko wa athwaalla wi kiwoononge attheene naanweene vaava.” Eellaayo yaamora ekhove ddiwa.

Numeri 16:21

“Venyanivoni variyari va mulloko wa athwaalla wi kiwoononge attheene naanweene vaava.”

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

1 Atesalonika 4:15

Vawi ella ninuuhuddiheehuni tti ehuddiho ya Apwiya. Hiyaano ookumi khanaahoollella ayo yakhwille, va nllapo na Apwiya.