1 Akorinto 15:4 - Mawu a Mulluku

⁴ wi aavitthiwa nave wi aavenyihiwa wa ookhwa viviralle mallapo mararu, wonanko mmo ddilembelliwiiwa mu mawu a Mulluku,

1 Akorinto 15:4 ပူးပေါင်းရင်းမြစ်များ

Hoseya 6:2

Vamalla mallapo meelli eneeronihihimulla. Va nllapo naneeraru eneeronivenyiha wi nikhalle ni okumi vamiitthoni viwa.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Yona 1:17

Apwiya yaalamulella khalleve ehomba yuullupalli wi emumirye Yona. Sika Yona aakhalla m'mirimani mwa ehombeeyo mallapo mararu, otthaana ni mahiiyu.

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Aroma 6:4

Obatizwaahu tti wonanko okhwa ni ovitthiwa vamodda ni olliyooyo wi nikhallena okumi wanaanweene, wonanko mmo Khrisitu aavenyihiweeye wa ookhwa ni masiva antitimiho na Attiitthiihu.

Luka 24:46

Nave aallotattho wi, “Ddoolembiwa wi Mesiya anapaalleya wi allakiwe nave avenyettho wa ookhwa nllapo naneeraru.

Luka 24:26

Khaphwanenlle Mesiya* wi allakiwe ahinavollowe mu ntitimiho naye?”

Luka 9:22

Yesu aallotattho wi, “Tti woophwanella wi mi, Mwaana a Muthu, kihoosiwe wunchichi ni okhootiwa ni attekweene a Ayuda,* allupa mukutho uullupalli ni ahuddihi a malamulo.* Kineerewiiphiwa koma vavira mallapo mararu kineerovenyihiwa wa ookhwa.”

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

Mitteko 17:31

Vawi ootthoolla nllapo nawi eeruze ellapo yavatthi ettheene ni echilungamo mwa muthu amutthoonlleeye. Ohoonihella yeella wa arive muthu voomuvenyihani muthu yoolla wa ookhwa!”

Mitteko 1:3

Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

Mariko 9:31

kaambiiwa aahuddiha oohudderaaye wi, “Mi, Mwaana a Muthu, kineerovelleelliwa wa ayo enaakiiphe. Koma vavira mallapo mararu kineerovenya wa ookhwa.”

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Yohane 19:38

Emanlle yeella, Yosefe o Arimateya, aamuveka Pilato wi avenyihevo mutembo wa Yesu. Yosefe aari oohuddera a Yesu mwawiipittha kaambiiwa awoova attekweene a Ayuda. Pilato ahaakhullella sika Yosefe aaya avenyihavo mutemboolle.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.