1 Akorinto 15:3 - Mawu a Mulluku

³ Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

1 Akorinto 15:3 ပူးပေါင်းရင်းမြစ်များ

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Agalatiya 1:12

Ngaawakhenlle ovenyera wa arive muthu nave khaavo naari aakihuddihalle. Koma Yesu Khrisitu yeekhaaye sika uupullullalle wa miyaano.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Aroma 4:25

Aavelleelliwa wi akhwe ekaamba ya machimwaahu nave aavenyihiwa wa ookhwa wi nilungamihiwe ni Mulluku.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Ezekiele 3:17

“We mwaana a muthu, kohuutthoolla wi okhalle owehera a Aisraele. Wiiwa mawaaka waachenjezeke.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

1 Akorinto 11:23

Vawi ehuddiho eyo kavahiweemi wa Apwiya kahuullellanittho nyuwaano wi, Apwiya Yesu, mahiiyu yaalle yavelleelliwiiwa yaamukusa buledi,

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aheberi 5:3

Nave kaambiiwa nayeene tti oofooka, anaphwanella oheraatthi mukutho ohiri ekaamba ya machimo a athuve komattho machimwaaye.

Aheberi 5:1

Arive mullupa mukutho muullupalli anatthoolliwa ni athu akhwaaye wi awiimellelle voomurumeyellani Mulluku. Muttekwaaye sika oheraatthi mukutho ni emphaso ekaamba ya machimo a athu.

1 Akorinto 11:2

Kinnathokoza kaambiiwa mu erive ello munnakuupuwella ni othwara ehuddiho eyo kuuhiyenreemini.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Mateyu 26:24

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Luka 24:25

Vano Yesu aallota wi, “Athu ookarangeya nyu, mookhalla ni olesi voohikhulupililani ddittheddene yallotille anamallotella!

Mitteko 8:32

Vano mawu a Mulluku eerengeeyaayo yaari wi, “Wonanko enkhosa yookusiwa wi yiiphiwe, wonanko mwaanaankhosa oomaalleya voomuchemani, olliye khaawakhunlle ello.

Mitteko 17:2

Vano Paulo aaya o enyumba yamavekello vawi aaddollweella nave aakhalla wenko wa milungu miraru akambiranaka ni athu.