1 Akorinto 14:6 - Mawu a Mulluku

⁶ Asinnaka ni arokoraka, vano kawa wa nyuwaano killotaka ellotello ddoohidduwanyeya, munaapindulevo tini? Khekhallavo naari eng'onong'ono kaahivelleella othenga oyo Mulluku akupullullelleeye apaalle odduwella apaalle ollotella apaalle ohuddiha.

1 Akorinto 14:6 ပူးပေါင်းရင်းမြစ်များ

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

2 Timoteo 3:16

Mawu mattheenaalla tti a Mulluku nave ennapharihiwa mutteko voohuddihani yawoona, voovaanyihani ni otthopoolla yoolakwa owaakattho ohuddiha dda echilungamo,

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

1 Akorinto 14:1

Vano munaphwanella wi mullipihelleke okhalla ni echikondi. Murimaanyu okhalleke va emphaso dda Munepa Waweella, makamaka wi mukhallena emphaso yoollotella.

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

2 Petro 1:5

Ekaamba ya yeella llipihellani waanjerera ddaphaama va echikhulupilwaanyu, va ddaphaama ddanyu mwaanjererevo odduwella,

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

2 Timoteo 3:10

Koma weyaano waathwara phaama ehuddihwaaka, makhallellwaaka, yoolingaaka, echikhulupililwaaka, olleva waka, echikondaaka, ovillella waka,

2 Timoteo 2:14

Owuupuse ddeko ddenndda ni waalamula vamiitthoni va Mulluku wi ehivaanyihaneke dda mawu ayo ehineera ddaphaama koma enakhulla woononga awiiwaayo.

Afilipi 3:15

Hiyaano attheene oowaraalla m'munepani ninaphwanella okhalla ni maganizo amoddamoddave yaalla. Nave amoddanyu mwaarimi murina maganizo oohiyana, Mulluku aneerowuupullullellani yawoona.

Aefeso 3:4

nave mweerenga nnddo kilembelleemi, muneerodduwella dda wiiwesesa waka wa yoovittheya ya Khrisitu.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

2 Akorinto 12:1

Kinaphwanella okota naari kihiphwanyillevo ello yaphaama. Sika vano kineerollota dda ddoolloha ni dda wuupullulla ddoovenyera wa Apwiya.

2 Akorinto 11:6

Apaalle miyaano nginna eruso yoollota koma kookhalla ni eruso yoodduwella. Vawi noowoonihani yeella phaamaddene enthawi ddittheddene ni mu ddeko ddittheddene.

1 Akorinto 10:33

Erani wonanko mmo kineerelleemi. Kinneesa omuhakallalliha arive muthu mu ddittheddene kineereemi, ohiri ddookiddivella meekhaaka koma ddawaaddivella attheene wi yavullusiwe.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

Aroma 15:14

Akhwaakanyu, miyaano kinnasimikiza wi nyuwaano tti aphaama wunchichi, nyuwaano tti athu oodduwella wunchichi navettho munnawora ohuddihana.

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

1 Akorinto 14:7

Ethiyo ezida ddawiipella machipo ddoohikhalla ni okumi, echitolilo apaalle gitala ddaahihiyanihiwa phaama miipellweene, muthu anaadduwelle mwawiidde nchipo niniipiwanno?