1 Akorinto 14:3 - Mawu a Mulluku

³ Koma ayo enallotella enallota wa athu wi yaakavihere, yaallipihe ni waakeraatthiha murima.

1 Akorinto 14:3 ပူးပေါင်းရင်းမြစ်များ

1 Akorinto 14:12

Vawi murimaanyu ori va waakhella emphaso dda Munepa, munaphwanella weeseesa ollipihella ophara mutteko va nnddo ddinakavihera omaka mpingo.

1 Timoteo 4:13

Ophiyera enthawi kinaaweemi, oweerengelleke athu mawu a Mulluku, ollalleyeke ni ohuddiha.

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Tito 1:9

Apharesese mawu oororomelleya moollikana ni nnddo nahuddenreehu. Mwawi ddiidda aneerowora waallipiha murima amodda ni ehuddiho yawoona ni waavaanya ayo enaavaanya.

Aefeso 6:22

Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Tito 2:6

Mwawiiddiiddattho waasimikizelle allopwana ang'onong'ono ekhalleke awiihiiha.

1 Akorinto 14:31

Vawi attheenenyu ttuuwora ollotella, mootiyerana wi arive muthu ahuddere ni ollipihiwa murima.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

Mitteko 13:15

Yamallihalliiwa weerenga ovenyera mu malamulo a Mose ni ehuddiho ya anamallotella, attekweene a mu enyumba yamavekello yahaarumihella mawu awi, “Akhwiihinyu, hiyaano ni napaalla wi mullote wa athwaalla mwaarina mawu owaallipiha murima.”

Tito 2:9

Waalleelle akaporo wi ewiiwellelleke apwiiwa navettho yaahakallalliheke mu ddeko ddittheddene. Ehaavaanyiheke,

1 Atesalonika 2:3

Ollalleya wahu khonavenyera mwawoottha apaalle moonanara naarittho ohiri moomulleka arive muthu.

1 Akorinto 10:23

Athu amodda ennallota wi, “Ninnaakhullelliwa weera erive ello.” Ddawoona koma khe ddeko ddittheddene ddiri ddaphaama. Ninnaakhullelliwa weera erive ello koma khe ddittheddene ddinanillipiha.

1 Petro 5:12

Kuulembelleni kalata ookhuveyoolla mookaviherana ni Silivano oyo kinamweereemi mukhwaaka oororomelleya. Kinapaalla kuullipiheni murima voovelleellani ombonaaka wi ella sika echisomo ya Mulluku yawoona. Mwiimelle mwa yeeyo moohitikheya.

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.

Aheberi 10:25

Nihisoseke o mitthukumano ddahu ddoollapella wonanko mmo eneerella amoddaayo. Koma hankoni nillipihane mwiilli vawi munnadduwella wi nllapo na Apwiya nohaatamella.

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

1 Timoteo 6:2

Nave ayo erina apwiiwa ookhulupilila, ehaavevulle kaambiiwa tti asinniwa ni arokoriwa. Koma yaarumeyelleke phaama kaambiiwa ayo enapindula ni mitteko ddiwa, alliwattho tti ookhulupilila ni ookondiwa. Onaphwanella waahuddihe ni waallipiha murima mu ddenndda.

1 Timoteo 1:4

Waalleelle wi ehiye miyaha ddoohikhalla ni mutteko ni weerenga ntthopoollo noorekama na manddina a makhollo. Ddenndda sika ddinaambiha okangana nave khaddinakavihera mutteko wa Mulluku oyo onadduwanyeya mu echikhulupililove.

2 Atesalonika 3:12

Mu nnddina na Apwiya Yesu Khrisitu, ninnaalamula ni waachenjeza athu yaalla wi ephareke mutteko mwawiithaalla nave echeke yoocha yayiwayayiwa.

1 Atesalonika 4:18

Sika vano mullipihaneke murima ni mawu yaalla.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

1 Atesalonika 2:11

Munnadduwella wi naamukavihera arive muthu a nyuwaano wonanko mmo mullopwana anaakaviherelleeye anaaye.

Akolose 4:8

Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

2 Akorinto 2:7

Nave vano munaphwanella wi mumukhululukelle ni omullipiha murima wi ahihiye okhulupilila ekaamba yootathilla murima.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

1 Akorinto 14:17

Naari oothokoza wanyu tti waphaama, athu amodda khenallipihiwa.

1 Akorinto 8:1

Vano kinaaka killote dda ddoocha ddooheraatthiwa mukutho wa mafano nnddo mwaalembilleenyu. Tti ddawoona wi attheene nookhalla ni ezeru. Vano ezeru ddinnaweeriha athu okota; koma echikondi sika enallipiha.

Aroma 15:2

Koma hiyaano attheene naahakallalliheke asinnihu ni arokorihu ni oweerella ddaphaama wi nillipihe echikhulupililwiiwa.

Aroma 12:8

Emphaswaahu yakhalla yawaallipiha amodda, naalipiheke. Oyo anaakavihera amodda, eereke ddiiddo mwawoollowa matta. Oyo ari ni olamulello, alamulelleke phaama. Oyo anaweerella amodda echifundo, eereke ddiiddo moohakallalla.

Mitteko 15:32

Yudasi ni Sila ayottho yaari anamallotella yahaarera enthawi yoorekama ekambiranaka mawu oollipiha murima ni oovaha masiva.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Luka 3:18

Yohane aallalleya othenga waphaama moohiyanahiyana waachenjeza athu.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

Mitteko 4:36

Nave waakhalla muthu mmodda nnddina naye Yosefe a nlloko na Levi oyo avenyera o Kupro. Amurummwa yaamuvaha nnddina nawi, Baranaba ottaphullella wi, “Oollipiha murima.”