1 Akorinto 14:2 - Mawu a Mulluku

² Ayo enallota ellotello ddoohidduwanyeya* khenallota wa athu amodda koma wa Mulluku kaambiiwa khaavo muthu anawiiwesesa. Munepa Waweella sika anaallotiha ddookhuweya.

1 Akorinto 14:2 ပူးပေါင်းရင်းမြစ်များ

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Mitteko 19:6

Paulo ahiiyaatthi mattaaye va alliwaayo nave Munepa Waweella ahaaphiyera nave yahaamba ollota ellotello ddoohidduwanyeya* navettho yaanallotella.

Mitteko 10:46

Vawi yaawiiwa ellotaka mu ellotello ddoohidduwanyeya* nave etitimihaka wunnuwa wa Mulluku. Petro aallota wi,

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

1 Akorinto 2:10

Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

Yawuupullulla 10:7

Nave mungelo aneetthanu ni piilli oopa nipallapata naye, vano Mulluku aneerokwakhwaniha yoolingaaye yoovittheya ollikana ni nnddo allotilleeye mwa oorumeyellaaye, anamallotella.”

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Timoteo 3:9

enaphwanella ekhalleke athu a yawuupusella murima yaphaama voopharesesani echikhulupililo eyo Mulluku uupullullalleeye.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

1 Akorinto 15:51

Ngiiwesesani, kinawuupullullellani yookhuweya yawoona ella. Khanikhwa attheene koma nineerotthattusiwa,

1 Akorinto 2:7

Ezeru kinalloteemi tti dda Mulluku ddookhuweya nnddo atthoollelleeye ntitimiho nahu ellapo yavatthi ehinaphatusiwe.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Mitteko 22:9

Athu kaariiminaayo yahoona owalanko koma kheyaawiiwalle mawu a oyo allota wa miyaano.

Mariko 4:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma amodda ayo ehiri a mullokwaahu, erive ello enahuddihiwa wa alliwaayo m'maphwanaphwanihoni.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Masalimo 78:2

Kineerewuutthopoollellani niphwanaphwaniho. Kineerollota dda ddeko ddoovittheya ddakhallekhalle,

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Genesis 42:23

Yosefe aaniiwa ddittheddene nnddo yallotiiwa koma alliwaayo kheyaadduwella kaambiiwa wi yallota ni olliye oyeella mwa oottaphullella.

Genesis 11:7

Hankoni nikitthelle wenko wi navirikanihe ellotellwiiwa wi ehiiwananeke.”

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?

2 Mamwene 18:26

Vano Eliyakimu, mwaana a Hilikiya, Shebina ni Yowa yahaakhulla enduneeyo wi, “Ninuuvekani wi munilleelle mawaalla mu Earamu vawi hiyaano ninniiwa. Koma muhinillotiheke mu Eyuda vawi athu attheene eri vampandanimva enniiwa ellotellweella.”

1 Akorinto 12:10

Munepooyo annamuvaha muthu mmodda masiva aweerana ddoottikhiniha, wa mmodda emphaso yoollotella, wa mmodda ezeru ddoohiyaniha emphaso ddoovenyera wa Munepa ni nnddo ddihinavenyera wa Munepa. Wa muthu mmodda anamvaha masiva ollota ellotello ddoohidduwanyeya;* nave wa mmodda anamvaha masiva oottaphullella ellotellonnddo.

1 Akorinto 12:28

Mumpingoni, Mulluku ahaatthoolla vawaamba amurummwa, aneepiilli anamallotella, aneeraru ahuddihi, oothwarellella, athu aweera ddoottikhiniha, oothwarellellattho, athu oovahiwa masiva oochiriha apaalle okavihera amodda apaalle waahoollella apaalle ollota ellotello ddoohidduwanyeya.

1 Akorinto 13:1

Naari killotaka ellotello dda athu ni dda angelo koma kaahikhalla ni echikondi, ollota waka onakhalla wonanko mukoko wawoopiwa apaalle belo awoopiwa.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.