1 Akorinto 14:1 - Mawu a Mulluku

¹ Vano munaphwanella wi mullipihelleke okhalla ni echikondi. Murimaanyu okhalleke va emphaso dda Munepa Waweella, makamaka wi mukhallena emphaso yoollotella.

1 Akorinto 14:1 ပူးပေါင်းရင်းမြစ်များ

1 Akorinto 14:39

Sika vano, asinnaka ni arokoraka, murimaanyu okhalleke va ollotella nave muhaahiihe ollota mu ellotello ddoohidduwanyeya.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

1 Akorinto 16:14

Erakani erive ello ni echikondi.

1 Akorinto 12:1

Vano, Asinnaka ni arokoraka kinaaka mudduwelle ddawoona dda emphaso ddoovenyera wa Munepa Waweella nnddo mwaalembilleenyu.

1 Akorinto 13:13

Vano ddeko ddiraru ddoohimalla tti echikhulupililo, etiyerello ni echikondi. Nave yookhwaranya ddittheddenenndda tti echikondi.

1 Atesalonika 5:20

Muhivevulleke ollotella.

Miyambo 15:9

Apwiya ennananariwa ni ettilla ya muthu oochimwa koma ennamukonda aweera echilungamo.

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

1 Akorinto 14:37

Muthu mmodda aaganizaka wi olliye tti namallotella apaalle ookhalla ni emphaso ya Munepa Waweella, anaphwanella adduwelle wi kinuulembelleemini tti lamulo na Apwiya.

Yesaya 51:1

Apwiya enallota wi, “Nyu munapaalla ovulluwa, kaapelleni maaru, nyu munapaalla wi kuukavihereni. Ngaganizerani dda nlluku nko mwasemiweenyuwo, o nddalla namalluku mwakatiweenyuwo.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

1 Akorinto 12:31

Nave nyuwaano murimaanyu okhalle va emphaso dduullupalli. Vano kineerowoonihani ettilla yaphaama yookhwaranya erive ello.

Miyambo 21:21

Muthu oothwara echilungamo ni echifundo eneerophwanya okumi, echilungamo ni olemu.

3 Yohane 1:11

Mukhwaaka ookondiwa, ohittakihere eyo eri yoonanara koma ottakihere eyo eri yaphaama. Oyo aneera ddaphaama tti oovenyera wa Mulluku koma oyo aneera yoonanara khaamoonille Mulluku.

2 Petro 1:7

nave va makhallello ookhulupilila mwaanjererevo echifundo ya va ookhulupilila akhwiinyu nave va echifundweella mwaanjererevo echikondi.

Aroma 12:6

Nookhalla ni emphaso ddoohiyanahiyana moollikana ni echisomo eyo Mulluku anivahilleeye. Sika emphaswaahu yakhalla yoollotella mawu a Mulluku nillotelleke moollikana ni echikhulupililwaahu.

2 Timoteo 2:22

Nave thawa minkhella dda osombwe, othware echilungamo, echikhulupililo, echikondi ni murendelle vamodda ni yaayo enawiithana Apwiya ni mirima ddaweella wi yaakavihere.

Aroma 9:30

Sika ninallota wi athu ayo ehiri Ayuda, ayo yahaashaashille wiilungamiha weekhiiwa vamiitthoni va Mulluku yaalungamihiwa ni olliyooyo oweella mu echikhulupililwiiwa.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

1 Samuele 10:5

Mweeddiiddo muneerophiya o mwaango wa Mulluku o Gibea nko ori akhoto a Afilisti. Nave mwaawaatamellaka muzindooyo muneerokumana ni mulloko wa anamallotella ekitthaka ovenyera o nipuro noollapellamo yiipaka azeze, ekoma ni ezitoliro, ellotellaka.

1 Akorinto 13:2

Naari kirina emphaso ya onamallotella naari kidduwellaka ddittheddene ni wiiwesesa ddoovittheya ddittheddene; naari kirina echikhulupililo yuullupalli yoowora osusa miyaango koma kaahikhalla ni echikondi, nginna mutteko.

1 Akorinto 14:22

Sika vano ollota mu ellotello ddoohidduwanyeya, tti echizindikiro wa athu oohikhulupilila, ohiri wa ookhulupilila. Nave yoollotella othenga wa Mulluku tti echizindikiro wa athu ookhulupilila, ohiri wa oohikhulupilila.